ආයුර්වේදය යනු ආයු වර්ධනයයි. එදා අපේ මුතුන්මිත්තන් දේශීය වෛද්‍යවරයා වෙත ගොස් දූෂ්‍ය වූ සිරුරේ ලේ ධාතුව පිරිසිදු කර රෝග කාරක තත්ත්වයන් සමනය කර ගත් අයුරු මොනවට පැහැදිලි වන්නේ ඔවුන් ජීවත් වූ දීර්ඝ ආයු කාලය දෙස බැලීමෙනි. මෙවන් වූ ප්‍රෞඪ ඉතිහාසයකට හිමිකම් කියූ අපේ දේශීය වෙදකම අපේ මුතුන්මිත්තන්ගේ ප්‍රධානතම චිකිත්සාව විය. ගහ - කොළ - වැල් - මුල් මේ සියලු සංයෝග එක්රැස් කරමින් පත අට එකට සිඳුවා උදේ සවස පානය කරන මේ ඖෂධීය කසාය කෝප්පය එකල මුතුන්මිත්තන්ගේ සියලු දොස් සමනය කරමින් නිරෝගී සුවයෙන් දීර්ඝායුෂ විඳින්නට සමත් වූ බව නොරහසකි.
ආයුර්වේද රීතිය අනුව සිරුරේ ලේ දූෂිත වීම විවිධ රෝගවලට මූලාශ්‍රයක් වනවා. කුමක්ද මේ ලේ දූෂිත වීම කියා හඳුන්වන්නේ?
අපගේ ශරීරයේ සියලු සෛල හරියාකාරව වර්ධනය හා ක්‍රියාකාරීත්වයට ප්‍රධානතම සාධකය වන්නේ අප ගන්නා ආහාරය තුළින් රස, රක්තය, මාංශ, මේදස්ස, හස්ථි, මාජ්ජා, ශුක නැමැති ආයුර්වේදයේ සඳහන් සප්ත ධාතුව අපට ඉතා හොඳ තත්ත්වයේ පවත්වාගෙන යා හැකි නමුත් වැරදි ආහාර විහරණ නිසා ලේ දූෂිත වී වාත රක්ත, රක්තවාත රෝග හටගැනීමට ඉඩ තිබෙනවා. එබැවින් ආයුර්වේදයේ ප්‍රධාන වශයෙන් සැළකෙන වා - පිත් - සෙම කෝප කර ශරීරයේ දෝෂ තත්ත්වයක් ඇතිකරනවා. එවිට ඉන්ද්‍රියයන්වලට හානි වී විවිධාකාර රෝග මතුවන්නට පටන් ගන්නවා.
සිරුරේ ලේ ධාතුව අපිරිසිදු වීමට බලපාන හේතූන් කවරක්ද?
ආහාර ගත් විගස ස්නානය, ආහාර ගත් විගස නිදා ගැනීම පමණට වඩා ආහාර ගැනීම, දහවල් නිදා ගැනීම, රසකාරක යෙදූ ආහාර ගැනීම, විටින් විට ආහාර ගැනීම, අධි ප්‍රෝටීන් බහුල හරක් මස්, කෙලවල්ලා, බල මාළු , ඉස්සන්, කකුළුවන් වැනි උෂ්ණ අධික මාංශ නිතරම පරිභෝජනය කිරීම, දෙල්, අන්නාසි , කිරිඅල වැඩිපුර ආහාරයට ගැනීම සහ අනිසි වත්පිළිවෙත් නිසා ලේ ධාතු කෝප වෙනවා.
සිරුරේ ලේ ධාතුව අපිරිසිදු වීම නිසා ඇතිවන රෝගාබාධයන් මොනවාද?
වාතරක්ත රෝග සහ රක්තවාත රෝග මගින් ශරීරයේ දද, ගෙඩි, කුෂ්ට, පිළිකා, වාත රෝග, සන්ධි ප්‍රදාහය, ආමවාත සන්ධි ප්‍රදාහය, ශීර්ෂාබාධ, අක්ෂි රෝග, වකුගඩු රෝග, ආතරයිටීස්, අර්ශස්, බගන්දරා, ප්‍රෙෂර්, මිග්ග්‍රේන්, හෘද රෝග, අග්නියාශ රෝග, අතුල් පතුල් දැවිලි වැනි බොහෝ රෝග මතුවිය හැකියි.
ලේ ධාතු කෝපවීම වැළැක්වීමට ආයුර්වේදය අනුව කළ යුත්තේ කුමක්ද?
මාස තුනකට හෝ හයකට වරක් ලේ පිරිසිදු කිරීම කළ යුතුයි. මෙය අද ඊයේ ආරම්භ කළ දෙයක් නොවෙයි. අපේ මුතුන්මිත්තන් ජීවත්වූ අනාදිමත් කාලයක සිට පැවත එන්නකි. ඔවුන් අවුරුදු සියයක් ආයු වැළඳුවේ ආයුර්වේදයේ ඖෂධ පිහිටෙන් සහ පැවැත්මෙන් තමයි.
සාමාන්‍යයෙන් ලේ ධාතුව පිරිසිදු කිරීමට කොපමණ කාලයක් ගතවනවාද?
නිරෝගී පුද්ගලයකුට මාසයක් පුරා මේ ඖෂධ පාවිච්චි කළ යුතුයි. පසුව වසරකට වරක් නැවත ලේ ධාතුව පිරිසිදු කර ගන්නේ නම් ඔහුට හෝ ඇයට නිරෝගීව ජීවත්විය හැකියි.
නමුත් රෝගී පුද්ගලයකු නම් අවම වශයෙන් ලේ ධාතුව පිරිසිදු කිරීමේ ඖෂධ පද්ධතිය මාස 1 1/2 පමණ පාවිච්චි කළ යුතුය. නැවත මාස 6 කින් ඇරඹිය යුතුයි. ඇතැම් රෝගීන්ට ගී‍්‍රෂ්ම කාලයේදී රෝගාබාධ වැඩි වනවා. ඇතැමුන්ට ශීත කාලයේදී වැඩි වෙනවා.
බොහෝ රෝගීන් ඒ බව හොඳින් දන්නවා. විශේෂයෙන් රක්තය මූලික කර ගත් රෝගවලට හේතුව වන්නේ තුන්දොස් කෝප වීමයි. මේ තුන්දොස් කෝපවීම වඩාත්ම සුදුසු ප්‍රතිඵලය වන්නේ ලේ ධාතුව පිරිසිදු කිරීමයි. මෙය ආයු වර්ධනයට ලැබෙන්නා වූ විශාලතම පිළියමක්. විශේෂයෙන්ම තුන්දොස් සමනය සඳහා ලබා දෙන කසාය සුළු වශයෙන් බඩ විරේක කරමින් සිරුරට සහනයක්, සැහැල්ලුවක් ලබා දෙනවා.
ලේ ධාතුව පිරිසිදු කිරීමෙන් අනතුරුව යම් කිසි රෝගයක් ඇත්නම් එයට ප්‍රතිකාර කරන්නාවූ ක්‍රමවේදය කෙබඳු ද?
මේ විරේකයෙන් අනතුරුව ලේ ධාතුව පිරිසිදු වී ස්වභාවික තත්ත්වයට පත්වෙනවා. එයට ක්‍රමවත් ක්‍රියාවලියක් සිදුවිය යුතුයි. අකර්මන්‍ය වූ ඉන්ද්‍රියයන් පෝෂණය කරමින්, ලේ ධාතුව පිරිසිදු වෙද්දී රෝගියාට තව රෝගය නිසා ඇතිවූ අපහසුතාවයන් ක්‍රමයෙන් අඩු වන්නට පටන් ගන්නවා. බෙහෙත් පන්තියක් ආරම්භ කළ පසු එය දිගටම පාවිච්චි කිරීමේදී තමාට ඇති රෝගය සුව වන ලක්‍ෂණ මතුවන්නට පටන් ගන්නවා. රෝගියාට විශේෂයෙන්ම ඇඟට සැහැල්ලුවක් දැනෙනවා. සිරුරේ තිබූ අනවශ්‍ය බර අඩු වනවා. වේදනා කැක්කුම අඩු වෙනවා. අනතුරුව අක්‍රීය වූ ඉන්ද්‍රියන් ද ප්‍රකෘති තත්ත්වයට එළැඹෙන්නට පටන් ගන්නවා.
රක්තවාතය නැමැති රෝගය ජීවිතවලට දැඩි තර්ජනයක් එල්ල කළ හැකි රෝග බවට පත්වෙලා. ඒ පිළිබඳ පාඨකයාව දැනුවත් කළොත්?
“රක්තය” නැමැති රෝගය ඇලජික්, Body heat යන නම්වලින් විග්‍රහ කරනවා. මේ රක්තය නැමැති රෝගය මූලික වශයෙන් හැඳින්වෙන්නේ වාත රක්තය යනුවෙන්. මෙම රක්තය සිරුර තුළ ජීර්ණ වන්නට පටන් ගන්නවා. වාත රක්තය, රක්ත වාතයට හැරෙනවා. අනතුරුව රක්තවාතය ඉහට ගහනවා. එවිට උන්මාද තත්ත්වයට පත්වන්නටත් පුළුවන්. එවැනි රෝගීන් ඉක්මනින්ම ඖෂධ ලබාගත යුතුයි.
රුධිර ධාතුව පිරිසිදු කිරීමේ ඖෂධ පද්ධතිය පාවිච්චි කිරීමේදී ආහාරපානවලින් පේවී සිටිය යුතුය?
අවේලාවේ නෑම අගුණයි. උෂ්ණාධික ආහාර, තෙල් සහිත ආහාර අනුභවය කිසිසේත් යෝග්‍ය නැහැ. සීතල අධික ආහාර සුදුසු නැහැ.
මේ ඖෂධ පද්ධතිය පාවිච්චි කිරීමේදී එදිනෙදා තමාගේ වැඩ කටයුතු සාර්ථකව ලෙස ඉටුකර ගත හැකියි.
ජයවර්ධන ඖෂධාලයේ කිරිනැලියේ පාරම්පරික ආයුර්වේද වෛද්‍ය
එන්. එච්. ඩබ්. පී. ජයවර්ධන
සහ දිවයිනේ ඇති ෆාමසි වලින් ලබාගත හැක.
විමසීම්
සීමාසහිත මෙඩිහර්බ්ස් මාර්කටිං (පෞද්ගලික) සමාගම
දුරකථන: +94 11 2623889
Web: www.mediherbs.lk
Facebook: Mediherbs Sri Lanka
No comments:
Post a Comment