ආයුර්වේද වෛද්‍ය ක්‍රමය යටතේ දියවැඩියාව පාලනය කිරීමේදී වෙනත් සංකීර්ණ උපද්‍රව රෝග හට ගන්නෙ නැත

බෝනොවන රෝග අතරින් ඉදිරියෙන්ම සිටින දියවැඩියාව අද වනවිට බරපතළ සෞඛ්‍ය ගැටලුවක් බවට පත්ව ඇත. ලංකාවේ වෙසෙන ජනගහනයෙන් බහුතරයක් දියවැඩියාව රෝගයෙන් පෙළෙති. එම සංඛ්‍යාව දිනෙන් දිනම ඉහළ යන්නේ නිවැරදි ජීවන පුරුදුවලින් ජනයා බොහෝදුරට ඈත්වෙමින් පවතින පසුබිමක් තුළය

සාමාන්‍යයෙන් ජනවහරේ එන ආකාරයට දියවැඩියාව එහෙමත් නැතිනම් ආයුර්වේද වෛද්‍ය ක්‍රමය යටතේ මධුමේහය කියන්නේ අද සමාජයේ වැඩිපුරම දකින්නට ලැබෙන රෝගී තත්ත්වයක්. ඇත්තටම අපි මෙම රෝගය විස්තර කරන්නේ ප්‍රමේහ රෝග යටතේයි. ප්‍රමේහය කියන්නේ මුත්‍රා ජනන පද්ධතිය ආශ්‍රිත රෝගී අවස්ථාවක්. 

සාමාන්‍යයෙන් මෙය රෝගයක් කිව්වට රෝග පද්ධතියක්. ප්‍රමේහය අවස්ථාවකදී පිටකරන මුත්‍රාවල ප්‍රමාණය වැඩිවෙනවා. අනිත් එක තමයි සාමාන්‍ය පුද්ගලයෙක් මුත්‍රා පිටකිරීමකදී පිටවන අපද්‍රව්‍ය ප්‍රමාණයක් තියෙනවනෙ, නමුත් ප්‍රමේහ අවස්ථාවේ එම තත්ත්වය මීට වඩා වෙනස් වෙනවා. එනම් ප්‍රමේහයේදී මුත්‍රා සමඟ පිටනොවිය යුතු දේවල්ද පිටවෙනවා. උදාහරණයක් විදිහට නිරෝගී පුද්ගලයකුගේ මුත්‍රා සමඟ සීනි පිටවීමක් සිදුවෙන්නේ නැහැනෙ. සීනි පිටවෙන්න ගත්තොත් අපි කියන්නේ ඒක රෝගී තත්ත්වයක් කියලයි. ප්‍රමේයේදී සමහර වෙලාවට රුධිරය පිටවෙනවා. තවත් සමහරවිට පිෂ්ඨය පිටවෙනවා. ශුක්‍ර පිටවන අවස්ථාවනුත් තියෙනවා. ඒ අනුව ප්‍රමේහය ප්‍රමේහ රෝග 20ක් යටතේ වර්ග කරලා තියෙනවා. ඒකෙනුත් මුත්‍රා සමඟ මධුර පදාර්ථ ඒ කියන්නේ සීනි පදාර්ථ (ශර්කරා) පිටවීම තමයි මධුමේහය නැත්නම් දියවැඩියාව කියලා  හඳුන්වන්නේ. ආයුර්වේදයේ සඳහන් වන ආකාරයට මධුමේහයේදී පිටකරන මුත්‍රාවල පැහැය, රස, ගන්ධය ආදී සියල්ලක්ම මීපැණිවලට සමානයැයිද සැලකෙනවා.

 දියවැඩියාව සහ මධුමේහය යන රෝග තත්ත්වයන් එකක්‌ නොව දෙකකි. එසේම දියවැඩියාවට නැතිනම් ප්‍රමේහයට (Diabetes) නිසි ප්‍රතිකාර කලට වේලාවට නොලැබීමෙන් මධුමේහය (Diabetes Mellitus) හැදෙන බවද එය සුවකළ නොහැකි බවද කිව යුතුය.

අවසාන වශයෙන් මෙය දිනෙන් දින පුද්ගලයා කෘෂ (කෙට්‌ටු) කරන (Chronic and degenarative discase) රෝගයක්‌ බවද කිව යුතුය.

දියවැඩියාව පමණක්‌ නොව වෙනත් ඕනෑම රෝගයක්‌ වුව සුවකිරීමට නම් රෝග හේතුව ඉවත් කළ යුතුය. එය බුදුදහමට ද එකඟය. අපගේ ප්‍රතිකාර ක්‍රමවේදය දැනුම් පද්ධති තුනක ආයෝජනයකි. එනම්, පාරම්පරික දැනුම, ආයුර්වේද විද්‍යාත්මක දැනුම හා නව්‍ය වෛද්‍ය විද්‍යාත්මක දැනුම වශයෙනි.

එම දැනුම් පද්ධති තුනේ සමායෝජනයෙන් ප්‍රතිකාර කරන හේතු ප්‍රකාර වූ ක්‍රමවේදයන්ද තුනකි. 

1. දියවැඩියාව ඇති වීමට හේතු වූ ඉන්සියුලින් නිෂ්පාදනය මදිවීම හෝ රුධිර ගතව ඇති ග්ලූකෝස්‌ ප්‍රමාණය දහනය කරමින් රෝගියාගේ ජීව සෛලයන් තුළට ශක්‌තිය ලබාදීමට ඉන්සියුලින් වලට ඇති නොහැකියාව සඳහා ප්‍රතිකාර කිරීමයි.

නිරෝගී පුද්ගලයකුගේ ඉන්සියුලීන් ප්‍රමාණය වන 6- 27 micro Iulme (සීරම් ඉන්සියුලීන් මට්‌ටම) දක්‌වා දියවැඩියා රෝගියාගේ ඉන්සියුලීන් නිෂ්පාදනය වැඩි කිරීමට අවශ්‍ය ප්‍රතිකාර කිරීම මෙන්ම ඉන්සියුලීන් නිෂ්පාදනය සඳහා අග්න්‍යාශයට අවශ්‍ය රුධිර සංයුතිය (Blood Count) සකසා දීමට අවශ්‍ය ප්‍රාථමික සෛල රෝපණයට ප්‍රතිකාර කිරීම මෙහිදී සිදුකෙරේ.

2. දෙවැනි හේතුව ලෙස හඳුනාගෙන ඇති ආහාර දිරවීමේ වරද හා ආහාර දිරවීමේ ශක්‌තිය නිවැරදි කිරීමට ප්‍රතිකාර කිරීමයි.

නව්‍ය වෛද්‍ය විද්‍යාවට අනුව ආහාර දිරවීමේ (Metabolism) ප්‍රධාන කොටස්‌ තුනකි.

⚉ පිෂ්ඨ ආහාර දිරවීම

⚉ තෙල් ආහාර දිරවීම

⚉ ප්‍රේටීන් හා ඛනිජ ආහාර දිරවීම  වශයෙනි. 

මේ අකාරයට ආහාර දිරවීමේ ශක්‌තිය නිවැරදි කිරීම ඒ කියන්නේ ආයුර්වේද වෛද්‍ය විද්‍යාවට අනුව (සමාග්තිය) ඇති කිරීමට ප්‍රතිකාර කිරීමයි.

තෙවැනි හේතුව වශයෙන් සඳහන් කළ හැක්‌කේ නිවැරදි ආහාර රටාවක්‌ අනුගමනය නොකිරීමයි. ඒ අනුව රෝගියා නිවැරදි ආහාර රටාවකට යොමුකිරීම මෙහිදී සිදුවේ.

දියවැඩියා රෝගියෙක්‌ ගත යුතු ආහාර වේල ගැන කතා කරන්නට පෙර අපි පළමුව දියවැඩියාව යනු කුමක්‌ද කියල වටහා ගන්නට උත්සාහ කරමු. සරලව කිවහොත් දියවැඩියාව කියන්නේ අපේ ශරීරයේ රුධිරයෙහි පවතින සීනි ප්‍රමාණය පාලනයකින් තොරව ඉහළ යැමයි. ලේවල සීනි වර්ග ගණනාවක්‌ ම තියනවා. නමුත් අපට මෙතනදී වැදගත් වෙන්නේ සරල සීනි, එහෙමත් නැත්නම් "ග්ලූකෝස්‌" කියන සීනි වර්ගයයි.

රුධිරයෙහි පවතින සීනි මට්‌ටම පාලනය කරන සාධක දෙකක්‌ අපේ ශරීරයේ තියනවා. මේ දෙකම අග්න්‍යාසයෙන් ශ්‍රාවය වන හෝමෝන දෙකක්‌. ඒ තමයි

1.  ඉන්සියුලින් (Insulin)
2.  ග්ලූකොගොන් (Glucogen)

ඉන්සියුලින් වලින් රුධිරයේ සීනි මට්‌ටම අඩු කරනවා. ග්ලූකොගොන් වලින් රුධිරයේ සීනි මට්‌ටම වැඩි කරනවා. ඔය දෙකේ හැසිරීම තුළ තමයි සරලව ගත්තාම අපිට දියවැඩියාව කියන රෝගය ඇතිවන්නේ.

අපේ ශරීරයට වැඩිපුරම සීනි එන්නේ ආහාරවලින්. කාබෝහයිඩ්‍රේට් වලින් විශේෂයි. කාබෝහයිඩ්‍රේට් අවශෝෂණය වෙලා අක්‌මාවේදී සරල සීනි හෙවත් ග්ලූකෝස්‌ ලෙස රුධිරයට එකතු කරනවා. ප්‍රෝටීන් වලිනුත් සීනි හැදිල රුධිරයට එකතු වෙනවා. ඒ වගේම ඒ සියල්ලට අමතරව අක්‌මාවටත් පුළුවන් යම් සීනි ප්‍රමාණයක්‌ නිපදවලා ලේ වලට එකතු කරන්න.

ලේ වල තියන සීනි මට්‌ටම පාලනය කරන්නේ ඉන්සියුලින් නිසා යම් හෙයකින් අග්න්‍යාසයේ ඉන්සියුලින් නිෂ්පාදනය අඩු වුවහොත් දියවැඩියාව සෑදිය හැකියි.
මිනිස්‌සුන්ට හැදෙන දියවැඩියාව ප්‍රබේද දෙකකින් හඳුනාගත හැකි වෙනවා.

1. ප්‍රබේදය 1 (Type 1 Diabetes mellitus) 
2. ප්‍රබේදය 2 (Type 2 Diabetes mellitus) 

මේ ටයිප් 1 දියවැඩියා ප්‍රබේදය පුංචි කාලයේදීම ළමයින්ට වැළඳෙනවා අග්න්‍යාසයේ ඉන්සියුලින් ශ්‍රාවය නොවීම නිසා. එහෙම දරුවන්ට ඉතින් ඉන්සියුලින් ඉන්ජක්‌ෂන් කරන්න ම වෙනවා.

ටයිsප් 2 දියවැඩියා ප්‍රබේදය තමයි අපේ රටේ බහුල. ඒක හැදෙන්නේ වැඩිහිටියන්ට. නොයෙක්‌ හේතූන් නිසා අග්න්‍යාසයේ ඉන්සියුලින් නිසි පරිදි නිෂ්පාදනය නොවීම තුළ මේ ප්‍රබේදය ඇති වෙනවා. මෙතනදී හුඟක්‌ වෙලාවට පාරම්පරික ආවේනිය බලපානවා. විවිධ ශාරීරික හේතු බලපානවා. මෙතනදී ඉන්සියුලින් තියනවා. නමුත් නිසි පරිදි ක්‍රියාත්මක වන්නේ නැහැ. ඒ නිසා තිබිය යුතු ප්‍රමාණයට වඩා ඉන්සියුලින් අවශ්‍ය වෙනවා. ඒ සඳහා බෙහෙත් ගන්න වෙනවා. එහෙම නැත්නම් අපි ගන්නා ආහාර දැඩි ලෙස පාලනය කරන්න වෙනවා.

පළමුවෙන් අපි තමන්ට දියවැඩියාව තියනව කියල නිසැකවම බලාගත යුතු වෙනවා. ඒ සඳහා නිවැරැදි වෛද්‍ය පරීක්‍ෂණයකට භාජනය විය යුතුයි. ඕන නම් අපට සරලව කරන රුධිරයේ සීනි මට්‌ටම පිළිබඳව පරීක්‍ෂණයක්‌ කර එය 120mg/dl ට වැඩි නම් දියවැඩියාව ඇති බවට සැක කළ හැකියි. ඒ ආහාර නොගෙන. ආහාර ගෙන සිටින වෙලාවක ඒ මට්‌ටම 180 mg/dl වලට වැඩිය තිබිය යුතුයි. ඊට අමතරව තව විශේෂ පරීක්‍ෂණයක්‌ තියනවා. HB AIC කියන. එම පරීක්‍ෂණයෙන් 7% ට වඩා ප්‍රතිඵල වැඩියෙන් තියනවා නම් ඉතින් දියවැඩියාව තමයි. ඕක තමයි සරළ හැඳින්වීම.

ඊළඟට අපි බලමු ඇයි අපට දියවැඩියාව හැදෙන්නෙ කියලා.

හැදෙන්න හේතු ගණනාවක්‌ තියනවා. අංක එකේ හේතුව තමයි පාරම්පරික ආවේනිය. ඊළඟට ශරීරයේ බර වැඩිවීම, බර වැඩි වන්නේ ඉතින් කට පාලනය කර නොගැනීම නිසා හා ව්‍යායාම නොමැතිකම නිසානේ. යමෙකුගේ ශරීරයේ උසට සාපේක්‍ෂව බර පාලනය කර නොගත්තොත් දියවැඩියාව වැළඳෙනවාමයි. 

ඊළඟට අපි මතක තබාගත යුතු කාරණය තමයි දියවැඩියාව නිට්‌ටාවට සුව කළ නොහැකි බව. සමහර අය අග්න්‍යාසය බද්ධ කරලා ආමාශයේ ප්‍රමාණය පුංචි කරලා ඉතා අධික වියදමක්‌ කරලා දියවැඩියාව සුව කරලා තියනවා. ඒ හැරුනාම දියවැඩියාව සුව කරන්න බෑ. හැබැයි පාලනය කරන්න නම් පුළුවන් නිවැරදි ක්‍රියා පිළිවෙතක්‌ අනුගමනය කළොත්.

සමහරු අහනවා ඇයි මොකද වෙන්නේ. දියවැඩියාව ලෙඩක්‌ තමයි. ඒක ඉතින් තිබිච්චදෙන් කියලා තරුණ කාලේ බය නැතුව කන බොන අයත් ඉන්නවානේ. ඒකට උත්තරයක්‌ තියනවා.

දියවැඩියාව කියන එක නරක ලෙඩක්‌. ඒක වැඩි වුණාම ශරීරයට බලපාන ආකාර කිහිපයක්‌ තියනවා. දියවැඩියාව එක්‌ක බොහොම සම්බන්ධයි රුධිර පීඩනය. ඊළඟට ඊට සම්බන්ධයි කොලෙස්‌ටරෝල්. ඔය දෙකත් එක්‌ක වැඩි වෙනවා හෘදයාබාද ඇති වීමේ ප්‍රවණතාව. දියවැඩියා රෝගීන් වැඩි ප්‍රමාණයක්‌ මිය යන්නේ හෘදයාබාද නිසා. ඒක නිසා දියවැඩියාව, බර වැඩිවීම, රුධිර පීඩනය, කොලෙස්‌ටරෝල්, හෘදයාබාද කියන මේ ඔක්‌කොම ලෙඩ අපි එක සංකීර්ණ තත්ත්වයක්‌ ලෙස ගන්නවා. ඊට අපි කියනවා මෙටබොලික්‌ සින්ඩ්‍රොම් (metabolic Syndrome) කියලා.

මේ නිසා හෘදයාබාද ඇති වෙනවා. 

ඊළඟට දියවැඩියාව ඇස්‌ පෙනීම දුර්වල කිරීමට බලපානවා. ඊට අපි කියනවා රිටිනෝපති (Retinopathy) කියලා. එහි කෙළවර අන්ධභාවය. ඊළඟට තියනවා නෙප්රෝපති (Nephropathy) කියලා වකුගඩු අක්‍රිය කරවන තත්ත්වයක්‌. වකුගඩු නරක්‌ම වෙලා යනවා. ඊළඟට තියනවා නියුරෝපති (Nephropathy) කියලා ස්‌නායුවලට බලපාන තත්ත්වයක්‌. මෙන්න මේ තත්ත්වයේදී තමයි අවයව කපලා ඉවත් කරන්නේ. බොහෝ අයගේ පාද කපා ඉවත් කරන්නේ මේ තත්ත්වය තුළයි.

මෙන්න මේ කාරණා නිසා අපි දියවැඩියාවට බිය විය යුතු වෙනවා. මේ රෝගය ඉස්‌සරහා කවුරුවත් මෝඩ වීරයෝ වෙන්න ඕන නැහැ. හැබැයි බුද්ධිමත්ව ක්‍රියාකරල නිසි උපදෙස්‌ අරගෙන රෝගය හොඳින් පාලනය කරලා ඒ තුළින් වීරයෝ වෙලා තමන්ට හිමි නිසි ආයුෂ ප්‍රමාණ්‍ය භුක්‌ති විඳිමින් සතුටින් ජීවත් වෙන්නත් කෙනකුට බැරි නැහැ. අද හුඟක්‌ අය ඒ තත්ත්වයට පත්වෙලා ඉන්නවා.

කොහොමද අපි ඒක කරන්නේ. කොහොමද අපි දියවැඩියාව පාලනය කරන්නේ. මෙන්න මේ ටික තමයි මේ ලිපියේ වැදගත්ම කොටස. දියවැඩියාව පාලනය කරන්නට ක්‍රම කිහිපයක්‌ම තියනවා. නිවැරැදි උපදෙස්‌ අරගෙන ඒ ක්‍රමවලට අනුගත වුණාම අපි කවුරුවත් මේ ලෙඩේට බියවිය යුතු වන්නේ නැහැ.

පළමුවෙන්ම හැම කෙනෙක්‌ම තම සෞඛ්‍යය පිළිබඳ සටහන් තබාගැනීමට දින පොතක්‌ ළඟ තබාගත යුතුයි. අපි ඒ ටික තරමක්‌ පැහැදිලි කරගැනීමට මේ විදියට අංක යටතේ සටහනක්‌ තබමු.

1. දිනපොතක්‌ තබා ගැනීම
⚈ නිතිපතා රුධිරයේ සීනි ප්‍රමාණය ගැන සටහන් තබා ගැනීම
⚈ ආහාර ගැන සටහන් තබාගැනීම.
⚈ දිනපතා හැකි පරිදි ව්‍යායාම කිරීම.
⚈ අවශ්‍ය බෙහෙත් ගැනීම.

2. රුධිරයේ පීඩනය පාලනය කිරීම.

3. කොලෙස්‌ටරෝල් පාලනය කිරීම.

4. බර පාලනය කිරීම.

5. මානසික ආතතිය පාලනය කිරීම.

6. දුම් පානයෙන් වැළකීම.

7. මත්පැන් බීමේදී බුද්ධිමත් පාලනයක්‌ ඇතිකර ගැනීම (බොන අය පමණක්‌)

8. සුදුසුකම් ලත් පෝෂණවේදියකු හමුවී ආහාර රටාව ගැන උපදෙස්‌ ලබා පාලනයක්‌ ඇතිකර ගැනීම.

දියවැඩියා රෝගියකුට මෙන්න මේ පියවරයන් ටික ඉතාමත්ම වැදගත් වෙනවා. සමහර අයට මේ සමහර දේවල් කරන්න බැරිව ඇති. ඒකට කමක්‌ නැහැ. කරන්න පුළුවන් දේවල් ටික කළාම ඇති. 

ඊළඟට අපි ආහාර ගැනීම ගැන කතා කරමු. ආහාර ගැනීමේදී අපිට වැදගත් වන අවස්‌ථා 3 ක්‌ තියනවා. 
⚈ නොකළ යුතු
⚈ පාලනය කළ යුතු
⚈ කළ යුතු

අපි නොකළ යුතු දේවල් තමයි ක්‍ෂණික ආහාර ගැනීම. ඔය පිටි වලින් හදන කෙටි ආහාර දියවැඩියා රෝගීන් කිසි විටෙකත් නොගත යුතුයි. රෝල්ස්‌, පැටිස්‌, බනිස්‌, පේස්‌ට්‍රි වගේ කෑම ගන්න එපා. ඉන් ලැබෙන්නේ තෘප්තියක්‌ පමණයි. ඇති දෙයක්‌ නැහැ. සමහරු ඔය ක්‍රීම් ක්‍රැකර් ජාති කනවනේ අත රමැදට කන්න ඕන කියලා. ඒවා ගත යුතු නැහැ.

ඊළඟ එක තමයි සරල සීනි ආහාර ගත යුතු නැහැ. සරල සීනි තියනවා සීනි දැමූ තේ වල, පැනි බීම වල, පැණි රස තියන රස කැවිලි වල, පාන් වල. ඒවා ගන්න එපා. නරකම බීමක්‌ තමයි මෝල්ටඩ් මිල්ක්‌. ඔය එක එක නම් වලින් තියනවා. ඒවා බිව්වම ක්‍රියාශීලියි, කඩිසරයි කියනවනේ හැබැයි දියවැඩියාවට නරකයි. අන්තිම නරකයි. මෙන්න මේවා නොකළ යුතුයි. සමහර අය දුක්‌වෙලත් ආතතිය හදාගන්නවනේ. සමහරුන්ට පැණි රස කන්න අවශ්‍යයි. තේ බොන්න, කේක්‌ කන්න, පැණි රස බීම වර්ග බොන්න අවශ්‍යයි. ඇඟට සීනි එන්නේ නැතුව ඒවා කරන ක්‍රම තියනවා. මම පසුව ඒක කියන්නම්. මොකද ආහාර අරන්නෙ සමහරු සතුටු වෙන්නේ. ඒ සතුට ගත යුතුයි.

ඊළඟට තියනවා පාලනය කරගත යුතු ආහාර. ඉන් පළමු දේ තමයි පිටි කෑම. අපි කිව්වා ශරීරයට පිටි කෑම අවශ්‍යයි. අපි ඒක ශරීරයට අවශ්‍ය ප්‍රමාණය බලලා දිනකට අවශ්‍ය කැලරි ප්‍රමාණය බලලා ඉන් භාගයක්‌ කාබෝහයිඩේ්‍රට්‌ වලින් එන විදියට ගන්න කියලා. එතනදී දියවැඩියා රෝගියෙක්‌ නිතරම ගත යුත්තේ සරල කාබෝහයිඩ්‍රේට්‌ නොවෙයි රෝගියා ගත යුතු වන්නේ සංකීර්ණ කාබෝහයිඩ්‍රේට්‌. ඒ කිව්වේ රුධිරයට සීනි එකතු කිරීමේ ප්‍රතිශතය අඩු (Low Glycemic Index) ආහාර. ඒක අඩු ආහාර තමයි තම්බපු හාලේ බත්, නිවුඩු හාලේ බත් සහ දිගැටි හාලේ බත්. ඇලෙන බත් වල පාන්පිටි වල කුරක්‌කන් පිටි වල ග්ලයිසියම් ඉන්ඩෙක්‌ස්‌ එක ඉතා වැඩියි කියලා. අපි පුළුවන් තරම් එම අගය අඩු මාර්ග වලින් තමයි කාබෝහයිඩ්‍රේට් ගත යුත්තේ. ආහාරයෙන් 50% ක්‌ එම කාබෝහයිඩ්‍රේට්‌ ගන්න උත්සාහ කරන්න ඕන.

පාන් කන්නට ඕන නම් කන්න. ඒත් පෙත්තක්‌ වගේ. දේශීය අල බතල හොඳයි අර්තාපල් වලට වඩා. අර්තාපල් වලට වඩා බතල හොඳයි.

ඊළඟට පුළුවන් තරම් රනිල කුලයේ ආහාර බෝග කෑමට ගන්න.  කඩල, පරිප්පු, කවුපි, මුං ඇට වගේ. මේවායින් කාබෝහයිඩ්‍රේට් ‌වලට අමතරව ප්‍රෝටීන් ලැබෙනවා.

ඊළඟට සීනි (පැණි රස) හොඳ නැහැ. නමුත් පැණි රස කන්න ආසයි නම් කෙනකුට පුළුවන් පැණි රස කාරකයක්‌ යොදා ගන්න. ඒ සඳහා තියනවා ඇසපාටෙයින් (Aspretain) සහ ස්‌ටීවියා (Stevia) කියල පැණි රස කාරක දෙකක්‌. මේවා සෞඛ්‍ය දෙපාර්තමේන්තුවේ අනුමතයි. ඕනම දේකට යොදල සීනි වෙනුවට කන්න පුළුවන්. සමහරු බොරුවට බය වෙනවා මේවා කෘත්‍රිමයි. ඇඟට හොඳ නැහැ කියලා. එහෙම එකක්‌ නැහැ. සැක අය ස්‌ටීවියා ගන්න. මොකද ඒවා ස්‌වාභාවික රසකාරකයක්‌. අද වෙළෙඳ පොළේ මේවා යොදපු අයිස්‌ක්‍රීම් යෝගට්‌ පවා තියනවා.

ඊළඟට අපි දියර කිරි බොන්න ඕන. පිටිකිරි නොවෙයි. දියර කිරි, නන්ෆැට්‌ වගේ දේවල්වලට දඟලන්න එපා. ඒ වෙනුවට එළකිරි බීවාට වරදක්‌ නැහැ.

ඊළඟට තෙල් වර්ග පාලනය කරන්න ඕන. අපි ගන්න ඕන තෙල් අසංතෘප්ත මේදය (Unsaturated fatty oils) තුළින්. තෙල් තුළින් අපි ශරීරයට අවශ්‍ය කැලරිවලින් 25% ක්‌ විතර ගන්න ඕන. විශේෂයෙන්ම දියවැඩියාව තියන අයට අසංතෘප්ත මේදය ගැනීම වැදගත්. අසංතෘප්ත මේදය වර්ග 2 ක්‌ තියනවා. එකක්‌ ඔමේගා 3 (Omega 3) අනෙක ඔමේගා 6 (Omega 6) විශේෂයෙන්ම අද පර්යේෂණවලින් ඔප්පුවෙලා තියනවා ඔමේගා 3 තුළින් දියවැඩියාව පාලනයට උපකාර වෙනවා කියලා. හෘදයාබාධ ඇතිවීමේ ප්‍රවණතාවයත් ඔමේගා 3 වලින් වැළකෙනවා. මේවා පර්යේෂණ මගින් ඔප්පු කරලා තියනවා.

ඔමේගා 3 තියනවා මාළුවල. ඊට අමතරව බිත්තර කහමදේ තියනවා. ඊට අමතරව කුකුළු මස්‌වල තියනවා. වට්‌ටක්‌කා ඇට වල තියනවා. අලිගැටපේරවල තියනවා. තල තෙල්වල තියනවා. ඔලිව් තෙල්වල තියනවා. කජුවල තියනවා. ඔමේගා 3 හා 6 දෙකම මේ කෑමවල අඩු වැඩි වශයෙන් තියන නිසා දියවැඩියා රෝගීන්ට හොඳයි. හැබැයි ගන්න ඕන අර 25% සීමාව ඇතුළේ ඉඳන්. මම කියනවා දියවැඩියා රෝගියෙක්‌ වුණත් කිසි බයක්‌ නැතුව සතියකට බිත්තර 6 ක්‌ ගත්තාට වරදක්‌ නැහැ කියලා. හැබැයි ඒක කළ යුත්තේ තුළිත ආහාර වේලක්‌ ඇතුළත විතරයි. බත් කිලෝ එකක්‌ දවසට කාල බිත්තරත් කන්න එපා. බත් අඩුවෙන් එළවළු වැඩියෙන් කොළ වැඩියෙන් කෙඳි වැඩියෙන් කන ගමන් බිත්තරයකුත් දවසකට කෑවට කමක්‌ නැහැ.

බත් ග්‍රෑම් 100 ක්‌ වේලකට අරන්, ඊට මාළු කෑල්ලක්‌ හෝ බිත්තරයක්‌ එළවළු වැඩියෙන් කොළ වැඩියෙන් අරන් පලතුරු කෑල්ලකුත් එක්‌ක කන්න පුරුදු වුණොත් අපට ලේසියෙන්ම දියවැඩියාව හා අනෙකුත් ප්‍රශ්න පාලනය කරන තැනට එන්න පුළුවන්.

තිත්ත කොළ වඩාම හොඳයි. ගොටුකොළ, පෙනෙල, කතුරුමුරුංගා, අඟුණ කොළ වගේ තිත්ත ජාතිවල තියනවා පයිටෝකෙමිකල් Phytochemical). ඒවා දියවැඩියා පාලනයට හේතුකාරක වෙනවා කියල ඔප්පු වෙලා තියනවා. සමහර අයගේ මතයක්‌ තියනවා කොළ ජාති පිළිකා කාරකයක්‌ කියලා. ඒක පට්‌ටපල් බොරුවක්‌.

ඊළඟට අපිට අවශ්‍යයි ශරීරයට ප්‍රෝටීන්. අපි ප්‍රෝටීන් පවා ගත යුත්තේ නිවැරදි සීමාවක ඉදලයි. මස්‌ කන එක හොඳයි. හැබැයි තෙල් ගැන පරිස්‌සම් විය යුතුයි. අපි සමතුලිත ආහාර වේලක්‌ තුළ පාලනය වන අයුරු කලින් කිව්වා. එහිදී ප්‍රමාණ ඉක්‌මවලා යා යුතු නැහැ. සමතුලිත ආහාර වේල කියන එක දියවැඩියා රෝගියකුට ඉතාම වැදගත්.

දියවැඩියා රෝගියෙක්‌ පරිස්‌සම් විය යුතු තව තැනක්‌ තියනවා. ඒ තමයි පලතුරු ගැනීම. ඉදුණු පලතුරු වැඩිපුර ගැනීම දියවැඩියා රෝගියකුට නම් සුදුසු නැහැ. ඉදුණු අඹ කියමු. අඹවල තියනවා සීනිත්. සරල සීනිත් තියනවා. අනෙකුත් විටමින් පයිටෝකෙමිකල් සලකලා අඹ කෑල්ලක්‌ කෑවාට වරදක්‌ නැහැ. නමුත් දියවැඩියා රෝගීන් අඹ ගෙඩි ගණන් කන එක නරකයි. අන්නාසි, ගස්‌ලබු වගේ පැණි රස පලතුරු ගැන පරිස්‌සම් විය යුතුයි. හැබැයි අලිගැටපේර වගේ දේවල් ඉතා හොඳයි.

වැඩිදියුණු කරන ලද සොසේජස්‌, බේකන් වගේ මස්‌ වර්ග නම් හොඳ නැහැ. මීට්‌ බෝල්ස්‌ සුදුසු නැහැ. හැබැයි තෙල් ඉවත් වන විදියට උයලා මස්‌ කෑවට වරදක්‌ නැහැ සතියට දෙතුන් වතාවක්‌.

මේ අයුරින් දියවැඩියා රෝගියෙක්‌ තම ආහාර වේල ගැන ඉතාම පරිස්‌සම් විය යුතුයි. සමතුලිත ආහාර වේලකට පෝෂණවේදියකුගෙන් උපදෙස්‌ අරන් හුරුවෙලා ප්‍රිය උපදවන අයුරින් කෑම වේල සාදා ගත්තොත් අපට ලෙහෙසියෙන්ම දියවැඩියාව පාලනය කරලා නිරෝගී තෘප්තිමත් ජීවිතයකට හුරුවිය හැකියි.

උදේ දවල් ආහාර සඳහා බත්, එළවළු, මාළු, මස්‌ ගැනීම රාත්‍රි ආහාරය මෙම රෝගය වැළඳීමට ප්‍රධාන හේතුවක්‌ වන නිසා රාත්‍රියට තම්බාගත් එළවළු පමණක්‌ ගැනීමටද නියම කෙරේ.

රෑ කෑම ගත් පසු අප නින්දට යන නිසා අප ගන්නා ආහාරය වැයවීමක්‌ එහිදී සිදු නොවේ.

අද දියවැඩියා (ප්‍රමේහ) රෝගයට ගොදුරු වන සියයට හැත්තෑ පහක්‌ම (75%) නිවැරදි ආහාර රටාවක්‌ අනුගමනය නොකිරීම නිසා එම රෝගයට ගොදුරුවන බව මෙහිදී විශේෂයෙන් සඳහන් කළ යුතුය.

එබැවින් නිවැරදි ආහාර රටාව මගින් බහුතරයකගේ දියවැඩියාව සුවකළ හැකිව තිබේ. එසේම යමෙකු ආහාර ගත යුත්තේ ඔහු හෝ ඇය දෛනිකව වැයකරන ශක්‌තිය (කරන වැඩ ප්‍රමාණය) අනුව බවද සිහිතබා ගත යුතුය.

සාමාන්‍ය බීමක් ලෙසින් බෙලි කොළ, බෙලි මල්, රණවරා කොළ, රණවරා මල්, කොතලහිඹුටු මුල්, කරවිල ගෙඩි ඉස්‌මට කිරි දමා, මාදං ඇට කෝපි මෙන් බීම වඩාත් යෝග්‍ය පාන වර්ග වේ.

දිනපතා බාර්ලි ග්‍රෑම් 50 ක්‌ තම්බා ගත් වතුර බෝතල් 1 තිබහ දැනුන සෑම විටකම බොන්න.

නෙල්ලි, මඳක්‌ ඉදුනු ඇඹුල් කෙසෙල්, මා දං ගෙඩි, ඇඹරැල්ලා, කජු පුහුලන්, පිණිජම්බු, ජම්බුද යෝග්‍ය වේ. අමතර ආහාර ලෙස තැම්බූ කොල්ලු විලඳ හබල පෙති ද ගත හැකිය.

- අන්තර් ජාලය ඇසුරිණි -

සීමාසහිත මෙඩිහර්බ්ස් පෞද්ගලික සමාගම

වර්තමාන සංකීර්ණ ආහාර රටාවන් නිසා වැළඳිය හැකි නිසිසේ හඳුනා ගැනීමට පවා අපහසු වන තීව‍්‍ර රෝග තත්වයන්ට යෙදෙන කෘත‍්‍රීම රසායනික ඖෂධයන් හේතු කොට ඇති විය හැකි කායික සංකූලතාවන් මග හරවා ගැනීමට වඩාත් ප‍්‍රයෝජන වන්නේ ස්වාභාවික ශාකෞෂධයන්ය.

සීමාසහිත මෙඩිහර්බ්ස් පෞද්ගලික සමාගම නිපදවා ඇත්තේ අතිශය පාරම්පරික වූත් ආයුර්වේදීය වූත් දේශීය වට්ටෝරු හා අනුගතව ගිය ඖෂධ සංයෝගයන්ය. මෙම ඖෂධ වල ප‍්‍රබල ක‍්‍රියාකාරීත්වය පිලිබඳව සහතික විය හැක්කේ දීර්ඝ කාලයක සිට ඒවා භාවිතා කිරීමෙන් ලබා ඇති පාරම්පරික අත්දැකීම් නිසාය. මෙම පානයන් මහ ජනතාවගේ පරිභෝජනයට ඉතා පහසුවන ආකාරයට නිපදවා ඇත. මෙ මගින් ආයුර්වේද වෙදකම කාටත් වින්දනය කල හැකි තත්වයකට පත් කර එ මගින් ආයුර්වේදයට සේවයකුත් සමාජයට සේවයකුත් ඉටුවේ යැයි අප බලාපොරෙත්තු වන අතර එය එලෙසම ඉටුවේවා යන්න අපේ පැතුමයි.
කැළණි විශ්ව විද්‍යාලය, වික්‍රමආරච්චි ආයුර්වේද පීඨයේ කථිකාචාර්ය්‍ය, ශ්‍රී ලංකා වෛද්‍ය මහා මණ්ඩලයේ සම්මානණීය ගරු සභාපති, 
විශේෂඥ වෛද්‍ය ගම්පහ වික්‍රමාරච්චි ආයුර්වේදය ශික්ෂණ රෝහල,
සීමාසහිත මෙඩිහර්බ්ස් (පෞද්ගලික) සමාගමේ අධ්‍යෂක
වෛද්‍යාචාර්‍ය: එම්. ආර්. වත්තගේ

දුරකථන: 0718285672 / 038228542

Abhigamanaya - අභිගමනය

Please Watch This Video To The End
මෙම වීඩියෝ පටය අවසන් වන තුරුම නරඹන්න.

ආයුර්වේද වෛද්‍යාචාර්ය විද්‍යානිධි නාමධාරී පණ්ඩිත් ඩබ්ලිව්. අයි. ප්‍රනාන්දු වෛද්‍යාචාර්යතුමාගේ චරිතයෙහි සුවිශේෂී අවස්ථා සංග්‍රහ කරමින් සකස් කළ විශේෂාංගයකි. (අවසන් වන තුරු නරඹන්න).

නරක සිතුවිලිත් අජීර්ණයට හේතුවක්

ඉතා සංකීර්ණ බරපතල රෝග සමූහයකට වර්තමාන සමාජය ගොදුරු වී සිටී. එම රෝග බොහෝමයකට හේතු වි ඇත්තේ ආහාර යි. අතීතයේ සිට හුරුව සිටි දේශිය අාහාර රටාවෙන් බැහැර වී විවිධ සැකසූ ආහාර භාවිතයට අපි හුරුව සිටිමූ. දේශීය ආහාර වේලේ අඩංගු වූ මස් හෝ මාළුව නියඹලාව ආනම මැල්ලුම බැදුම හා කැඳ අපට අමතකව ගොස්ව ඇත. එම ආහාර වට්ටෝරුව අප නිරෝගී පිරිසක් බවට පත් කළේය. අප ගන්නා ආහාර නිසි ලෙස ජීර්ණයට පත්ව ශරීර පෝෂණය සඳහා යොමු වේ. 

එසේ වුවද අජීර්ණ රෝගයේ දී ආහාර නොදිරවයි. එවිට ආහාරයේ ඇති පෝෂක කොටස් ශරීරයට උරා නොගනී. ආයුර්වේදයේ දී අජීර්ණය හඳුන්වා දී ඇත්තේ ආපාක වශයෙනි.ශාරීරික ගින්න මද වීම නිසා අප ගන්නා ආහාර පැසවීම වළකයි. එය ආහාරය නොදිරවීමට හේතුවේ. එය අජීරණයයි.

බඩගින්න හෙවත් කොෂ්ඨාග්නිය ආයුර්වේදයට අනුව තෙළෙස් වැදෑරුම්ය. බඩගින්න නිවී ගිය කල අනෙක් සියලු ශාරීරික ගිනි නිවේ. ආහාර ජීර්ණයට අවශ්ය යුෂ ආමාශයට ග්රහණිය හා අන්ත්ර ආශ්රය කොට පවතී. ආහාරයේ පෝෂක කොටස් සප්ත ධාතු ගතවී මෙන් (රස, රක්ත, මාංශ, මේදස්, අස්ථ, මජ්ජ) ශරීරය පෝෂණය වේ. බර වූද, සිසිල් වූද ආහාර එකවර ගැනීම, පිසීමෙන් පසු කල් ගිය පිළුණු වී ගිය ආහාර ආදිය නිසාද, වමන, විරේචන, ස්නේහ ආදී වූ ප්රතිකර්මවිධි වරදවා පවත්වාගෙන යාමෙන් ද, විවිධ රෝග හේතුවෙන් ශරීරය කෘෂ භාවයට පත්වීම නිසා ද, දේශගුණික කාලගුණික, හා ඍතු වෙනස්වීම නිසා ද මල මුත්ර ආදී වේග දරා සිටීම නිසා ද පචකාග්නිය (ආහාර දිරවීමේ ක්රියාවලිය) විකෘති වේ. එවිට අනුභව කළ සැහැල්ලු ආහාරයක් පවා පරිපාකයට පත් නොවේ. එනිසා ආහාර ඇඹුල් බවට ද විස බවට ද පත්වේ. මේ තත්වය දිගින් දිගට ම පැවැත්වීම රෝග රාශියක් ඇතිවීමට හේතුවකි.

කුසගින්නේ ප්රභේද හතරකි. ඉන් පලමුවැන්න මන්ද අග්නියයි. මෙය ශරීර සෙම් දෝෂ බල පැවැත්වීම නිසා ඇතිවන්නකි. මෙහි දී පුද්ගලයා ගේ කුසගින්න නොවැඩේ. අනෙක තීක්ෂණ අග්නියයි. එහි දී පිත් දෝෂය බල පවත්වන අතර බඩගින්න අධික වේ. විෂම අග්නියේ දී ශරීරගත වාත දෝෂය හේතුවෙන් ගින්න වෙනස් වේ. සම අග්නිය හෙවත් පුද්ගලයාට හිතකර වූ කුසගින්නේදී බලපවත්වන්නේ ත්රිදෝෂ සම තත්වයයි. සම අග්නි තත්වයේ දි හැර අනෙක් අවස්ථා තුනේ දී ම සිදුවන ආහාර ජීර්ණ ක්රියා වලියේ විසමතා හේතුකොට ගෙන අජීර්ණය ඇති විය හැකිය. එසේ ශරීරයේ දෝෂ කිපීම හැරුණ විට අජීර්නය ඇතිවීමට තව හේතු රාශියක් මුල් වේ. අධික ලෙස  දියර පානය, අඩුව හෝ වැඩිව හෝ නොකල්හි හෝ ආහාර ගැනීම. මල මුත්රා, කඳුළු ආදී නොදැරිය යුතු වේගයන් දරා සිටීම. රාත්රී නිදි වැරීම හා දහවල නින්ද යන හේතු නිසා නිසි කල භෝජනය කළ සැහැල්ලු ආහාර පවා නොදිරවයි. ඒ අතර පුද්ගල චිත්ත සන්තානයෙහි මතුවන්නා වූ ඊර්ෂ්යාව, ක්රෝධය, වෛරය, ලෝභය අධික බිය, කෝපය ආදී චේතනා ඇති වූ පුද්ගලයා විසින් ගනු ලබන ආහාර නිසි ලෙස පැසවීමට ලක් නොවන බව ආයුර්වේදයේ සඳහන්ය.

භෝජනයට ගනු ලබන ආහාර නොදිරවීම නිසා අජීර්ණය ඇති කරයි. එහි දී බඩ පිපුම, තද බව, ඇඟට පණ නැතිවීම, හිස කැක්කුම, මුර්ජාව, කැරකිල්ල, පිට හා තුනටියේ වේදනාව, ඈනුම් යෑම, ඇඟ පොඩි කරන්නාක් මෙන් දැනීම, උණ වමනය, අරුචිය හා මල පිටවීම රෝග ලක්ෂණ වේ. 

අජීර්ණ වූ ආහාර ශරීරයට විසකි. එම නොදිර වූ ආහාර විස පිත සමග මිශ්රවීම නිසා දැවිල්ල, පිපාසය, මුඛරෝග, අමිල පිත්තය නිසා උපදනා විවිධ රෝග අවස්ථා ඇති කරයි. එම නොදිරවූ ආහාර විස ශරීර ගත සෙම සමග මුසු වූ විට ප්රමේහ රෝග, පීනස ඇතුළු සෙම මූලික වන රෝග ඇති කරයි.

අජීර්ණය හෙතුවෙන් නොදිරවූ ආහාර විස ශරීර ගත වාතය සමග එක්වී වාතයෙන් උපදනා බෙහෝ රෝග ඇති කරයි. එම ආහාර විස මුත්රා සමඟ එක්වී මුත්රා රෝගද මල සමඟ එක්වීමෙන් විවිධ වූ උදර රෝග ද ඇති කරයි. නිසි ලෙස පරිපාකයට පත්නොවූ, විකෘත්රී පැසවීමකට ලක්වූ ආහාර රසය රස ධාතුව විසින් ග්රහනය කොට ගෙන ශරීරය පුරාගෙනයාම හේතුවෙන් අතීසාර වමනය ආමවාතය, දණහිස් සන්ධිය ආශ්රය කිරීමෙන් රුදුරු ආමවාත තත්වයක්ද ඇති කරයි. එම විස හෘදය කපාට ආශ්රිතව ආමජ හෘදය රෝග ද, ආමවර්තත උණ ද උපදවයි.

අජීර්ණයේ ප්රභේද තුනකි. සෙම නිසා ආම අජීර්ණයද, පිත නිසා ද, වාත හේතු කොට ගෙන විෂ්ටබ්ධ අජීර්ණය ද ඇති වේ. අන්තරයේ ඉතිරි වූ ආහාර රසය හේතු කොට ගෙන උපදනා තවත් අජීර්ණ තත්වයක් ද පවතී. එය රස ශේෂ ලෙස දැක්වේ. මේ අජීර්ණ තත්ව හතර පුද්ගලයා බලවත් සේ පීඩාවට පත් කරයි.

මිනිස් සිරුරට වැළදෙන රෝගවලදී මනසේ ක්රියාකාරීත්වය ඉතා ආසන්නම හෙතුව විය හැකිය. අජීර්ණ රෝග ඊට හොඳම උදාහරණයයි. ලෝභ, ද්වේශ ඊර්ෂ්යාව හෝ විවිධ මානසික පීඩා හේතුවෙන් අජීර්ණය උපදී. මිනිස් සිරුරේ ක්රියාකාරීත්වය පාලනය කරණුයේ මොළය ආශ්රිත නාඩි ව්යුහය මගිනි. මිනිස් සිරුරේ පවත්නා සියලුම සනාල (නාල සහිත) නිර්නාල (නාල රහිත) ග්රන්තීන් ක්රියා කරනුයේ එහි පාලනය යටතේය. මොළයේ පිහිටා ඇති (පිටියුටරි) ග්රන්ථියේ කාරීක්වය අනුව පිත්ත ස්රාවය වැගිරේ. එමගින් ආහාර දිරවීමේ ක්රියාවලිය සිදුවේ. අයහපත් සිතුවිලි හා මානසික පීඩා හේතුවෙන් පිත්ත ස්රාවය නිසි ලෙස ගලා නොඒමෙන් අජීර්ණ වැළඳිය හැකිය. අජීර්ණ නොසලකා හැරීමෙන් විවිධ අන්ත්ර ගත රෝග උපදී. ඒ අතර පත්යා අපත්ය විහරණ පිළ නොපැදීම නිසා "විසූචිකා" නම් අන්ත්ර ගත රෝගයද විෂටම්බ අජීර්ණය නිසා "අලසක" නම් අන්ත්රගත රෝග ද උපදී. 

විධග්ධ අජීර්ණය හේතු වෙන් උපදින්නේ විලම්භිකා නම් රුදුරු රෝග තත්වයකි. ආහාර මාර්ගයට වැළදෙන එම රෝග තත්වයන් ගෙන් වැළකී සිටීම සඳහා රෝග මූලයෙන් හෙවත් අජීර්ණයෙන් වැළකී සිටිය යුතුය. ඒ සඳහා කෙතරම් කාර්ය බහුල වානිජ රටාවකට අනුගතව සිටිය ද සියලු දෙනා ආහාර පිළිබඳ අවධානය යොමු කිරීම අත්යාවශ්යය. කුසගිනි වැඩුණු විට නිසි පමණට ආහාර ගැනීමට අනිවාර්යෙන්ම කාලය වෙන්කොට ගත යුතුවේ. එසේ නොකොට ඉඩ ලැබුණු ලෙස ලැබුනු දෙයක් ගිල දමා දවස ගෙවීම රෝග රාශියකට අත වැනීමකි. කෘත්රීම ආහාර, රසකාරක යෙදූ ආහාර, ආහාර පිසීමෙන් පසු අධිශීතකරණයේ තැබූ ආහාර, අධි සංස්කරණය කළ මස් මාංශ, වගාවේදී රසායනික ද්රව්ය යොදා නෙළා ගත් ආහාර ද වර්තමාන මිනිසා රෝගියෙකු කිරීමට හේතු වෙයි. ඒ හැරුණු විට ආහාර ගන්නා වේලාව ඉකුත් කොට ආහාර ගැනීම, නොකල්හි ආහාර ගැනීම, පමණ ඉක්මවා ආහාර ගැනීම, කුසගින්න වැඩී තිබියදීත් ආහාර නොගැනීම, උදේ දහවල රාත්රී වෙලාව වරදවා ආහාර ගැනීම, ආහාර සමග ශිත කළ පාන භාවිතය බඩට නොගැලපෙන ආහාර ගැනීම යෝග්යා නොවේ.

ප්රසන්න භාවයෙන් යුතුව නිසි මාත්රාවෙන් ආහාර ගැනීමෙන් සැප බල ආයු වර්ණ ප්රඥා ආදී ප්රථිපල ලැබේ.

වර්තමානයේ බහුලව දක්නට ලැබෙන දියවැඩියාව, කොලොස්ටරෝල්, පීනසය, අම්ල පිත්ත, ආර්ශස් ආදී රෝග ඇතිවනුයේ බඩගින්න නිසි ලෙස නොදැල්වීම හේතුකොට ගෙනය. ශරීරයේ අපහසුවක්, බරගතියක්, තදබල කරකැවිල්ල අධෝවායු නොපැවතීම, මල බද්ධය හෝ මල බුරුලට යාම සමග බඩේ කැක්කුම පවතී නම් බඩ පිපුණු ස්වභාවයක් හෝ බඩ කෑගැසීමක් පවතී නම් අජීර්ණයක් වැළඳී ඇති බව තේරුම් ගත යුතුය. එවිට බර ආහාර, මස් මාළු සංස්කරනය කළ ආහාර තෙලින් පිසූ ආහාර, මුදවන ලද කිරි, පොල් සම්බෝල, පලා මැල්ලුම් මෙන්ම ඇල් දියද යෝග්ය  නොවේ. 

ලුණු කැඳ, බැදිහාල් කැඳ, බෙරිවන සේ පිසූ බත්, තැම්බුම් හොද්ද වැනි සැහැල්ලු ආහාර අඩු මාත්රාවෙන් ගත යුතුය. උණු වතුර පානය ඉතා යොග්යි වේ. අජීර්නය නොසලකා හැරිය යුතු නැත. ඒ සඳහා සුදුසුකම් ලත් වෛද්යයවරයකු හමුවී ප්රතිකාර ගත යුතුය. එතෙක් කරාබු බැද තලා උණුවතුරට දමා තැම්බුණු පසු බීමද, සූදුරු කබලේ බැද කෝපි මෙන් වත්කොට බීමද සුදුසුය.

2006 දෙසැම්බර් 10 වැනි ඉරිදා "සිළුමිණ" පුවත්පතේ පලවූවකි

කැළණි විශ්ව විද්‍යාලය, වික්‍රමආරච්චි ආයුර්වේද පීඨයේ බාහිර කථිකාචාර්ය්‍ය,
ශ්‍රී ලංකා වෛද්‍ය මහා මණ්ඩලයේ සම්මාන ගරු සභාපති,
හිටපු විදුහල්පති, ශ්‍රී ලංකා වෛද්‍ය මහා මණ්ඩලීය දේශීය වෛද්‍ය විද්‍යාලය,
ආයුර්වේද ශබ්දකෝෂයේ කතෘ මණ්ඩල සාමාජික,
විශේෂ වෛද්‍ය ගම්පහ වික්‍රමාරච්චි ආයුර්වේදය ශික්ෂණ රෝහල,

වෛද්‍යාචාර්‍ය: එම්. ආර්. වත්තගේ

දුරකථන: 0718285672 / 038228542

කියවන්නම ඕන ලිපියක් - මධුමේහයට (දියවැඩියාවට) කදිම ඔසුවක්

දැනට ලෝකයේ වැඩිහිටි සහ බාල යන දෙපක්‍ෂයටම බහුලව වැළදෙන රෝගයක් ලෙස වාර්තා ගත වී ඇති මෙම රෝගයෙහි මධු හෙවත් මිහිරි පදාර්ථ හා සමාන රසයෙන් හා ගන්ධයෙන් යුක්ත මූත‍්‍ර පිට කිරීමත් වැඩි වශයෙන් මූත‍්‍ර පිටකිරීමත් යන ලක්‍ෂණ දෙකම දක්නට ලැබේ. මෙහි දී අප ගන්නා පිෂ්ඨ ආහාර දිරවීම විෂම කොට රුධිරයෙහි ශර්කරා (ග්ලූකෝස්) අගය ඉහල නංවයි. එහි ප‍්‍රතිඵලයක් ලෙස මුත‍්‍රාවල ශර්කරා දැකිය හැකිය. එහි දෙවැනි ප‍්‍රතිඵලයක් ලෙස මාංස ජනක හා මේද ආහාර දිරවීමේ දී සිදුවන විකෘතිතාවය මත බහුමුත‍්‍රතාවය ඇති වන අතර මෙම තත්ව උත්සන්න වීමෙන් මරණය පවා ඇති විය හැකි බව වෛද්‍ය මතය වේ.

වර්තමානයෙහි මධුමේහ රෝගීන් අතර වඩාත් දැකිය හැකි උපද්‍රව වන්නේ ඇසේ උපදින කාච රෝගය, වකුගඩු ක‍්‍රියා වලිය පිළිබඳ විවිධ විකෘතිතා, පාද සම්බන්ධ හිරි වැටීම්, වේදනා, සංඥා නොදැනීම ආදී කොට ඇති ආබාධ, භයානක අවස්ථාවක් වන මධුමේහ ජනිත හෘද රෝගය යනාදියයි. මෙයින් රෝගීන් අතර බහුලව දක්නට ඇත්තේ පාද හා වෙනත් අවයව සම්බන්ධ ස්නායු විකෘතිතා සහ කාච රෝග තත්වයයි, මේවාට වෙන වෙනම පිළියම් යෙදිය යුතු අතර මධුමේහ රෝගය පාලනය කර ගැනීමෙන් මෙම උපද්‍රව වලින් මිදිය හැක. ඒ මන්ද යත් මධුමේහය නිට්ටාවට සුව කල නොහැකි රෝගයක් බැවිනි. එහෙත් රෝගියා නිසි අවබෝධයකින් හා උනන්දුවකින් යුක්තව ආහාර පාන ඇවතුම් පැවතුම් ආදියෙන් සුරක්‍ෂිතව යුතු පරිදි ගත් ඖෂධයකින් මධුමේහය උත්සන්න වන්නට නොදී පාලනය කර ගත හොත් දිගු කලක් ජීවත් වීමට බාධා ඇති නොවේ. එහිදී අවශ්‍ය වන්නේ අවබෝධය සහ සිරුර පිළිබඳ මනා පරිපාලනයයි. අප ගන්නා ඖෂධ වලට අමතරව ආහාර පාන පිළිබඳව දැනුවත් විය යුතු අතර හොඳ මානසික තත්වයකට සිටීමද වඩාත් වැදගත්වේ. ස්වභාව ධර්මයට වඩාත්ම අනුකූල වන්නාවූ ඖෂධ ලබා ගැනීමට හැකියාවක් ඇතිනම් එමගින් මධුමේහ රෝගියාට දීර්ඝ ජීවනය යන්න ප‍්‍රශ්නයක් නොවේ. බටහිර වෛද්‍ය ක‍්‍රමයට අනුව රෝග හේතුවට නොව, රෝගයට බෙහෙත් නියම කිරීමෙන් දීර්ඝ කාලයක් බටහිර බෙහෙත් ගත් රෝගීන් අද වන විට නොයෙකුත් අතුරු ආබාධ වලින් පෙලෙන්නන් බව අසන්නට දකින්නට ඇත.

ස්වභාව ධර්මයට වඩාත්ම අනුකූල වන්නාවූ වෙළඳපොලේ ඇති ඖෂධීය පාන අතරින් මධුමේහ රෝගීන් සඳහා ඇති හොඳම ඖෂධීය පානය ඩයබිනා ආයුර්වේද ඖෂධීය පානයයි. අප එසේ කියන්නේ මෙ මගින් රුධිරයේ ග්ලූකොස් මට්ටම පාලනය කිරීමට අමතරව මධුමේහය නිසා උපදන පශ්චාත් (පසුකාලීනව ඇතිවන) උපද්‍රව වලක්වන නිසාවෙනි. ඩයබිනා ආයුර්වේද ඖෂධීය පානය මෙවැනි තත්වයන් සඳහා ද ඉතා ඉහලින් ගුණ දෙනු ලබයි.  

 ශ‍්‍රී ලංකා ආයුර්වේද දෙපාර්තමේන්තුව යටතේ පවතින, විද්වත් වෛද්‍ය මණ්ඩලයකින් සමන්විත වන ආයුර්වේද යෝග සංග‍්‍රහ කමිටුව විසින් මෙම පානය ඖෂධීය පානයක් ලෙස සහතිකය, අනුමැතිය හා නිර්දේශය ලබා දී ඇති බව අපි ඉතා සතුටින් යුතුව සඳහන් කරමු. 

ඩයබිනා ආයුර්වේද ඖෂධීය පානය සඳහා යොදා ගනු ලබන, පරම්පරා දශක ගනනාවක් නොවෙනස්ව පැවති ඖෂධ සහ ඒවායේ ද්‍රව්‍ය ගුණ පහත සඳහන් වේ.

මාදං පොතු - Engenia jambolana

වාත රක්ත ප‍්‍රමේහ සහ මධුමේහ නාශකයි. ග‍්‍රාහී (කසට ගුණය) ඇති බැවින් රුධිරගත ග්ලූකොස් මට්ටම පාලනය කරයි. මධුමේහ නිසා උපදන පශ්චාත් (පසුකාලීනව ඇතිවන) උපද්‍රව වලක්වයි. 

නෙල්ලි - Phyllanthus emblica

රුධිර ශෝධනය ඇතිකරයි. රුධිරයේ ග්ලූකෝස් මට්ටම පාලනය කිරීමට බෙහෙවින් උපකාරී වේ. ආහාරයෙන් උපදනා මධුර පදාර්ථ රුධිරයට අවශෝෂණය කර ගැනීමේදී ඇති විය හැකි අධි අවශෝෂණතාවය පාලනය කිරීමට උපකාරීවේ. රුධිරයේ ආම්ලිකතාවය අඩු කරයි. මුත‍්‍රා අම්ල අඩු කර මුත‍්‍රා බැහැර කිරීම ක‍්‍රමවත් කරයි.  අම්ල පිත්තය සුව කිරීමට උපකාරී වේ. සිරුරේ අභ්‍යන්තර දාහය පාලනය කරයි. මුත‍්‍රා දැවිල්ල සහ ගුද මාර්යේ දැවිල්ල සුව කරයි. රක්ත ශෝධනය ඉතා ඉහලයි. ශාරීරික පිත්කෝපය නිසා ඇති වන්නා වූ විවිධ සංකූලතා අවම කරයි. රුධිර පීඩනය මනා ලෙස පාලනය කරයි. සමේ ඇතිවිය හැකි බිබිලි, කැසීම් අවම කර ඇස් පෙනීම වැඩි දියුණු කරයි.

රණවරා මල් සහ මුල් - Cassia auriculata

රක්ත ශෝදනය හා මුත‍්‍රා ශුද්ධිය ඇති කරයි. වකුගඩුවේ කි‍්‍රයාකාරීත්වය යතාවත් කරයි. සමෙහි වර්ණය ඇතිකරයි. මධුමේහජ උපද්‍රව පාලනය කරයි.

රසකිඳ - Tinospora cordifolia

මධුමේහ රෝගය සඳහා පාරම්පරික වශයෙන් ලංකාවේ භාව්තා කල ඒකීය ඖෂධයකි. මධුමේහය වැලඳීමට බලපාන යාන්ත‍්‍රනයට බලපෑම් එල්ලකල හැකි ඖෂධයකි. මධුමේහය නිසා ඇතිවන්නා වූ වේදනාවන් හිදී ද මධුමේහජ පිඩකා (ගෙඩි විශේෂයකි) ඇතිවීම වලක්වාලයි.    

කළාඳුරු අල - Cyperus rotundus

පාරම්පරික මධුමේහය පාලනය කරන ඖෂධයකි. බඩ වැල තුල මධුමේහ රෝගීන්ගේ අන්ත‍්‍රමාර්ගික ක‍්‍රියාවලිය යතාවත් කිරීමට උපකාරීවේ. මධුමේහය නිසා ඇතිවන ඇස් සහ ඇසේ කාච පිළිබඳ ආබාධ පාලනය කරයි. මධුමේහියාගේ මළ බැහැර කිරීමේ ක‍්‍රියාවලිය පනගන්වයි.

කොතලහිඹුටු - Torenia asiatica / Salacia reticulata

මධුමේහ රෝගියාගේ අධික මුත‍්‍ර පිටවීම පාලනය කරයි. රක්තගත ග්ලූකෝස් මට්ටම සම තත්වයෙන් පවත්වා ගැනීමට මහෝපකාරී වේ. පශ්චාත් උපද්‍රව (මධුමේහය නිසා හටගන්නා උපද්‍රව) වලක්වයි. 

වෙනිවැල්ගැට - Coscinium fenestratum

ඉපැරණි මධුමේහ ඖෂධයකි. මෙහි ඇති තිත්ත රසය මධුමේහය පාලනය කිරීමටත් රක්තය පවිත‍්‍ර කිරීමටත් හේතුවේ. මධුමේහය නිසා උපදන නොයෙක් නොයෙක් වේදනා සමනය කරයි. මධුමේහජ ඇස් රෝග සහ ඇසේ කාච පිළිබඳ ආබාධ වල්කවයි. සියලූ වාත වේදනාවන්ට ඉතා හිතකරයි. මධුමේහජ පිඩකා (ගෙඩි විශේෂයකි) වලක්වා සම වර්ණවත් කර සමේ සෞඛ්‍යය රැකදෙයි.

ඩයබිනා ආයුර්වේද ඖෂධීය පානය ස්වභාව ධර්මයට වඩාත්ම අනුකූලවන්නාවූ දියවැඩියාව සඳහා ඉතාම යෝග්‍ය ඖෂධීය පානයකි.

කරවිල ව්‍යංජනයක් ලෙසින් ආහාරයට ගැනීම මධුමේහය සඳහාද සුදුසු වන අතර වෙනත් රෝගයකින් පෙලෙන අවස්තාවන්හි දී එම උවදුරට කශාය බොන කෙනෙකුට කිසිවිටකදී කරවිල ආහාරය සඳහා යොදා ගත යුතු නැති බවත් කරවිල පරිභෝජනය නිසා එම කශාය ඖෂධයේ ගුණ හීන වන බවත් ආයුර්වේදයේ සඳහන් වේ. කරවිල රාත‍්‍රියේදී ආහාරයට ගැනීම නුසුදුසු බව සඳහන් වන්නේ විෂ සතකු දෂ්ඨ කලහොත් විෂ වැඩිවන බව පැරණි  සමාජයේ මතයක් ව ඇති හෙයිනි. කරවිල සමඟින් තේ මිශ‍්‍රකර වෙළඳපොලේ ආයුර්වේද තේ වශයෙන් මධුමේහය සඳහා යයි කියා විකුණන තේ වර්ග ආයුර්වේද තේ ලෙසින් වෙළඳ පොලේ අලෙවි වුවද කොතෙක් දුරට ඒ කාර්යය සඳහා සුදුසුදැයි සොයා බැලීම ඉතා අගනේය. බරින් වැඩි තේ සමඟින් වෙනත් අමු ද්‍රව්‍යයක් මිශ‍්‍ර කිරීමේදී වන්නේ එම මිශ‍්‍ර කරන ඖෂධීය අමුද්‍රව්‍ය එම සංයෝගයට මිශ‍්‍ර වන්නේ උපරිම වශයෙන් 40% ක් පමණක් වන අතර අනෙක් 60% ම තේ වනු ඇත. ඒ අනුව ගත්කල උපරිමය වශයෙන් ඖෂධීය ගුණය ඇත්තේ 40% ක් පමණය. කහටත් (කසට) තිත්තත් ඇති පානයන්ගෙන් රුධිරගත ග්ලූකෝස් මට්ටම අඩුවිය හැකි අතර ඒවා මධුමේහය සඳහා යොදාගත හැකි ඖෂධීය පානයන් ලෙස කිසිසේත් හැඳින්විය නොහැක. 

වර්තමාන සංකීර්ණ ආහාර රටාවන් නිසා වැළඳිය හැකි නිසිසේ හඳුනා ගැනීමට පවා අපහසු වන තීව‍්‍ර රෝග තත්වයන්ට යෙදෙන කෘත‍්‍රීම රසායනික ඖෂධයන් හේතු කොට ඇති විය හැකි කායික සංකූලතාවන් මග හරවා ගැනීමට වඩාත් ප‍්‍රයෝජන වන්නේ ස්වාභාවික ශාකෞෂධයන්ය.

සීමාසහිත මෙඩිහර්බ්ස් පෞද්ගලික සමාගම නිපදවා ඇත්තේ අතිශය පාරම්පරික වූත් ආයුර්වේදීය වූත් දේශීය වට්ටෝරු හා අනුගතව ගිය ඖෂධ සංයෝගයන්ය. මෙම ඖෂධ වල ප‍්‍රබල ක‍්‍රියාකාරීත්වය පිලිබඳව සහතික විය හැක්කේ දීර්ඝ කාලයක සිට ඒවා භාවිතා කිරීමෙන් ලබා ඇති පාරම්පරික අත්දැකීම් නිසාය. මෙම පානයන් මහ ජනතාවගේ පරිභෝජනයට ඉතා පහසුවන ආකාරයට නිපදවා ඇත. මෙ මගින් ආයුර්වේද වෙදකම කාටත් වින්දනය කල හැකි තත්වයකට පත් කර එ මගින් ආයුර්වේදයට සේවයකුත් සමාජයට සේවයකුත් ඉටුවේ යැයි අප බලාපොරෙත්තු වන අතර එය එලෙසම ඉටුවේවා යන්න අපේ පැතුමයි.


කැළණි විශ්ව විද්‍යාලය, වික්‍රමආරච්චි ආයුර්වේද පීඨයේ කථිකාචාර්ය්‍ය, ශ්‍රී ලංකා වෛද්‍ය මහා මණ්ඩලයේ සම්මානණීය ගරු සභාපති, 
විශේෂඥ වෛද්‍ය ගම්පහ වික්‍රමාරච්චි ආයුර්වේදය ශික්ෂණ රෝහල,
සීමාසහිත මෙඩිහර්බ්ස් (පෞද්ගලික) සමාගමේ අධ්‍යෂක
වෛද්‍යාචාර්‍ය: එම්. ආර්. වත්තගේ

දුරකථන: 0718285672 / 038228542

සහ දිවයිනේ ඇති ෆාමසි වලින් ලබාගත හැක.

විමසීම්

සීමාසහිත මෙඩිහර්බ්ස් මාර්කටිං (පෞද්ගලික) සමාගම

දුරකථන: +94 11 2623889

Web: www.mediherbs.lk

Facebook: Mediherbs Sri Lanka

ITN Wedha Gedhara - Dr. M Rajasekera Wattage

කැළණි විශ්ව විද්‍යාලය, වික්‍රමආරච්චි ආයුර්වේද පීඨයේ කථිකාචාර්ය්‍ය,
ශ්‍රී ලංකා වෛද්‍ය මහා මණ්ඩලයේ සම්මානණීය ගරු සභාපති,
විශේෂඥ වෛද්‍ය ගම්පහ වික්‍රමාරච්චි ආයුර්වේදය ශික්ෂණ රෝහල,
සීමාසහිත මෙඩිහර්බ්ස් (පෞද්ගලික) සමාගමේ අධ්‍යෂක

වෛද්‍යාචාර්‍ය: එම්. ආර්. වත්තගේ

දුරකථන: 0718285672 / 0382285429 

කළු කැම්මේරිය - (Solanum nigrum)

Solanum nigrum යන උද්භිද විද්‍යාත්මක නාමයෙන් හැඳින්වෙන කළු කැම්මේරිය හෙවත් කළු කන්වේරිය ප්රධාන කඳ කොටසින් බෙදී යන අතු ඉති වලින් වාර්ෂික ක්ෂූපයක් හෙවත් පැළෑටියකි. ශ්රී ලංකාව ඉන්දියාව මලයාව වැනි රට වල මේ ශාකය දකින්ට ඇත. සොලනේසී හෙවත් (Solanaceae) හෙවත් බටු කුලයට අයත් වන්නකි. මෙහි බහුලව වැවෙන පත්ර ඒකාන්තරය. සැප්තැම්බර් මාසයේ සිට ජනවාරි මාසය අතර කාලයේ මේ පැළෑටියේ මල් පිපෙන බවද ඉන් පසු පොකුරු වශයෙන් ඵල හටගන්නා බවද පෙනේ. පැසී ඉදෙන විට එය දම්පාටට හුරු කළු පැහැයෙන් යුක්තය. මෙහි ගෙඩි ඇඹුල් රස මුසු මද මිහිරි රසයෙකින් යුතුවේ.

ලංකාවේ ඇතුම් පලාතක තැම්බේරිය වශයෙන්ද මෙය හඳුන්වනු ලබන අතර මෙහි පත්ර රසවත් පලාවක් වශයෙන් ව්‍යාංජනයට ගනු ලැබේ. දේශීය වෙදකමේ බොහෝ තැන් වල කළු කැම්මේරිය භාවිත කරනු දැකිය හැකිය.

ආයුර්වේද වෛද්‍ය ශාස්ත්‍රයේ කාකමාචී, මත්ස්‍යාක්ෂී, බහු ඵලා ආදී නම් වලින් මෙය හැඳින්වෙන අතර රසයෙන් තිත්ත කටුක බව කියවේ. ගුණයෙන් අනුෂ්ණය. නැතහොත් තද ශීත හෝ තද උෂ්ණ නෙවේ. එමෙන්ම සිරුර සන්තර්පනය කරන රසායන ගුණයෙන් යුක්තය. ඇසට හිත බැවින් ඇසේ සෞඛ්‍යය ආරක්ෂා කරයි. ශුකුර ධාතුව වර්ධනය කරයි. වාතය පිත හා සෙම යන තුන් දොස නසයි. මල බද්ධය නසා මල බිඳීම ඇති කරයි. ශූල හෙවත් උල් දෙයකින් අනින්නා බඳු වේදනා, අර්ශස, ඉදිමුම් රෝග, සමේ රෝග, වමනය, හදවත් රෝග, උන, ප්රමේහ රෝග, හික්කා සහ කැසීම වලක්වන බව ආයුර්වේදය කියයි. සමේ රෝග ඉදිමුම ඌරුස්තම්භ හෙවත් කලවා තදවීමේ රෝගය හා ඇස් රෝග වලදීද මී විෂට ප්රතිකාර වශයෙන්ද කළු කැම්මේරිය යොදනු ලබේ. දේශීය චික්ත්සාවේදී අක්මාව දුර්වල වීමේ රෝගය නැසීමට කළු කැම්මේරිය විශේෂයෙන් භාවිතා කරනු ලැබේ. විවිධ රටවල ජලභීතිකාව, උන, ඇස් රෝග, පාචනය, අක්මා රෝග, කිටිභ හෙවත් කබර (පොතු කබර) වැනි සමේ රෝග, වකුගඩු රෝග, මුත්ර දාහය, ගොනෝරියාව (සුදු බින්දුව) වැනි රෝග වලදී භාවිත කරන බව පොත පතේ සඳහන් වේ.

අපේ රටේ දේශීය වෙදකමේදී හා ආයුර්වේද චික්ත්සාවේදී කළු කැම්මේරිය විශේෂයෙන් යොදන අවස්ථා හමුවේ. ඒ අනිද්‍රා හෙවත් නින්ද නොයාම පිළිබඳ රෝගාවස්ථාවේදීය. එහිදී මෙම ශාකය සහමුලින් ගෙන පිරිසිදු කර සිහින්ව කපා පවනේ වියලා තම්බා බීමෙන් හා එයම කලං 12 ක් (ග්රෑම් 60) ගෙන වතුර පත 8 දමා පතට සිඳ පෙරා බීමෙන් ඉතා සුවපත් නින්දක් ලබා ගත හැකිය. ඒ සඳහා මෙය අත්දුටු ප්‍රත්‍යක්ෂ ඖෂධයකි. එමෙන්ම මෙම ගසේ මුල ගලවා නිදිනොලබන්නා හිසට තබන කොට්ටයට ඇතුළු කිරීමෙන් නිදි එළඹෙන බවට දේශීය විශ්වාසයේ පවතී.

අපේ රටේ ජනතාව අතර අප්රකට ඖෂධයක් වන කළු කැම්මේරිය භාවිතයෙන් බොහෝ ගුණ ලබා ගත හැකිය. එහෙත් මෙය නිතර නිතර අභ්‍යන්තරව ගැනීම පිළිබඳව ප්රශ්න පැන නැගී ඇත. එලෙස වනුයේ මෙම ශාකයේ කිසියම් විෂ පදාර්ථයක් සුළු වශයෙන් අන්තර්ගත වී ඇතැයි නවීන විද්‍යාව මගින් සොයාගෙන ඇති බවිනි. එහෙත් රෝගාවස්ථාවකදී පමනක් මෙය භාවිතා කිරීමෙන් එම විෂ පදාර්ථ බහුල වශයෙන් සිරුරු ගත වීම වලක්වා ගත හැකිය. නිතර නිතර භාවිතා නොකළ යුතු යැයි කියනුයේ එබැවිනි.

කැළණි විශ්ව විද්‍යාලය, වික්‍රමආරච්චි ආයුර්වේද පීඨයේ කථිකාචාර්ය්‍ය, ශ්‍රී ලංකා වෛද්‍ය මහා මණ්ඩලයේ සම්මානණීය ගරු සභාපති, 
විශේෂඥ වෛද්‍ය ගම්පහ වික්‍රමාරච්චි ආයුර්වේදය ශික්ෂණ රෝහල,
සීමාසහිත මෙඩිහර්බ්ස් (පෞද්ගලික) සමාගමේ අධ්‍යෂක
වෛද්‍යාචාර්‍ය: එම්. ආර්. වත්තගේ
(මනරන්ජන රාජසේකර වත්තගේ)
දුරකථන: 0718285672 / 038228542

ගතට සිතට වද දෙන සන්ධි රෝගය - Arthritis

නූතන සමාජය වෙලා ගෙන තලා පෙළාලන රෝග අතුරින් සන්ධි රෝගය ප්රධාන තැනක් ගනී. එතරමටම එය සමාජ දේහය ගිලාගෙන ඇති බව කිය යුතුය. වැඩිහිටි ස්ත්රී පුරුෂ දෙපක්‍ෂයම මීට ගොදුරු වන අතර බහුල වශයෙන් දැකිය හැක්කේ ස්ත්රී පක්‍ෂය කෙරෙහිය. මැදි වයසට එළඹෙනවාත් සමගම හෙවත් සාමාන්‍යයෙන් වයස අවුරුදු තිස්පහ පසු කරන විට බොහෝ කාන්තාවෝ මේ රෝගයට ගොදුරු වෙති.

සනධි රෝගය පිළිබඳව ආයුර්වේද වෛද්‍ය ශාස්ත්‍රයේ විවිධ තන්හි සියුම් අයුරින් විග්රහ කර ඇත. මෙම රෝගයට වාතය ප්රධාන වන අතර පිතේ සහ සෙම් දෝෂයේ අඩු වැඩි සම්බන්ධයද පවතී. කිපුණු වාතය සර්වාංගයම ආශ්රය කළ කල මාංශ පේශීන්ගේ කම්පනය ඇට කටු වල බිඳින්නාක් බඳු වේදනාව සන්ධි වල පුපුරන්නාක් බඳු පීඩාව හා සියොළඟ වේදනාව ඇතිවේ. කෝපයට පත්වූ වාතය ගුදයෙහි හෝ ඉන් ඉහළ පක්වාංශය ඇසුරු කළ විට මල මුත්රා දිගේ බැඳීම අනින්නාක් බඳු දැඩි වේදනාව බඩ පිපුම මුත්රාශ්මරී ඇතිවීම කෙණ්ඩ කළවා තුනටිය පාද හා පිට පෙදෙසේ පීඩාව හා සිරුරේ වියළීම ඇති කරන්නේය. කුපිත වාතය ලෙයට පිවිසි කල තැවීම හෙවත් උෂ්ණය සහිත වූ තියුණු වේදනාව වර්ණ විකෘතිය කෙට්ටු බව අරුචිය සිරුරෙහි වණ හා බිබිලි ඇතිවීම සිරුර දරදඬු වීම ඇතිවිය හැකිය. රක්තය හෙවත් ලෙය විසින් දූෂිත වාතය ආවරණය කර ගැනීම මේ තත්වයට හේතුවේ. මෙම තත්වය සන්ධි වාත රෝගීන් කෙරේ වැඩි වශයෙන් දක්නට ලැබේ.

වාත දෝෂය මිදුළු සහ ඇට ගතවූ කල ඇට පුරුක් වල කඩන්නාක් බිඳින්නාක් බඳු තද බල පීඩාද සන්ධි වල අනින්නාක් බඳු දැඩි වේදනාවද මාංශ බලය පිරිහීමද නිදි නැති බවද නිරන්තරව පවත්නා වේදනාවද ඇති වේ. වාත දෝෂය මජ්ජා හෙවත් මිදුළු ගත අවස්ථාවේදී පහ නොවන වේදනාව පවතින බව විශේෂයකි. ඇට හෙවත් අස්ථි ගත අවස්ථාවේදී වියළීම බිඳී යාම හා අනින්නාක් බඳු වේදනාව ඇති වීමද සැළැකිය යුතු ලක්‍ෂණයකි. මෙහි ඇතිවන වේදනාව තීව්රය. වාත දෝෂය මාංශ හා මේදස් ආශ්රය කළ කල ඇඟ පත බර බවද ආඝාතයකට ලක්වූ කලක මෙන් ඇතිවන තද බල පීඩාව හා වේදනාවද දැඩි වෙහෙසද දක්නට ලැබේ.

කුපිත වාත දෝෂය සන්ධි ගත වූ කල්හි සන්ධි ස්ථාන වල තද බව හෝ බුරුල් බව හෝ ඇති කරයි. එයින් සන්ධි ස්ථානයන්හි ක්රියා කාරිත්වය නැසී යයි‍. ඒ ස්ථානයන්හි ඉදිමුම සහ අනින්නාක් බඳු දැඩි වේදනා ඇති කරයි. සන්ධි දිග හැරීමේදී හැකිළීමේදී වේදනාව උපදවයි. මේ තත්වයන් සන්ධි වාත (Arthritis) ආමවාත (Rheumatic Arthritis or Rheumatold Arthritis) වාත රක්ත යන රෝග වලදී මෙන්ම විෂ හේතුවෙන් අභිඝාත ආදී වෙනත් බාහිර හේතුවකින් සන්ධි ස්ථානයන්හි ඉදිමුම හා වේදනාව හටගනී. එම නිසා සන්ධි ක්රියාකාරීත්වයට හානි පැමිණේ.

විසි වන සියවසේ භාරතයේ විසූ සුප්රකට ආයුර්වේද චිකිත්සකයෙකු හා ශික්‍ෂකයෙකු වූ ආචාර්ය ගණ නාථ් සෙන් මහතා ස්වකීය සිද්ධාන්ත නිදාාන ග්රන්තයෙහි ලා සන්ධි වාත රෝගය නව මුහුණුවරක් ඇතිව විග්රහ කර ඇත. එතුමා දක්වන පරිදි යම් වාතාබාධයක් සත්ධීන් ඇසුරු කළ කල වරින් වරද එසැණින්ද ඉදිමුම හා වේදනාව උපදවයි. සන්ධි වාතය යනු එයයි. එහි එන පරිදි සමස්ත සන්ධි වාතය රසවාත - රක්ත වාත - විෂ වාත - ජීර්ණ වාත - ජරා වාත යැයි පස් ආකාර වේ. මෙහි රසවාතය යනු ආම වාතයයි. එය මෙහිලා නොකියැවේ. රක්තවාතය මෙහි විශේෂයෙන් සඳහන් කල යුතුය. පාදයෙහි ඇඟිළි ආශ්රිත සන්ධි ඉන් උඩ කොටසෙහි වූ සන්ධි වළලූ කර සන්ධි දණහිස් සන්ධි ඉකිළි සන්ධි තුනටියේ සන්ධි කොඳු ඇට සන්ධි මැණික් කටු සන්ධි මෙහිලා පීඩාවට පත්විය හැකිය. කුඩා සන්ධි මෙහිලා විශේෂයෙන් ගැනේ. මෙහිදී වේදනාව දැවිල්ල රතු පැහැයෙන් යුත් ඉදිමුම හා හත් අට දිනෙකින් රෝග ලක්‍ෂණ සන්ධියෙන් සන්ධියට ගමන් කිරීමද දැකිය හැකිය. අද බහුලව දක්නට ලැබෙන සන්ධි රෝග වල මෙම ලක්‍ෂණ අඩු වැඩි වශයෙන් තිබෙනු පෙනේ. මෙහිම කියැවෙන විෂ වාත ජනිත සන්ධි වාත තත්වයන්ද දැකිය නොහැකි නොවේ. ඒ උපදංශ ආදී රෝග නිසා ඇතිවන විෂ හේතුවෙන් උපදනා සන්ධි වාත රෝග තත්වයන්ය. දන්ත පූය හෙවත් දත් ආශ්රිත දන්ත මූල විදුරු මස ආදිය පැසවීමට ලක්ව උපදනා විෂද ශරීර ගතව ලෙය ඇසුරු කළ කල ඒ හේතුවෙන් සන්ධි වාත රෝගය උපදී. ජීර්ණ වාත සන්ධි රෝගය ත‍්‍රිවිධය. ආමවාත රක්තවාත විෂ වාත ජනිත සන්ධි රෝග නිසි පරිදි සුව නොවී කල් ගත වීමෙන් මේ තත්වය උපදී. එය අත් පා හන්දි තුනටිය තුන් ඇට මූට්ටුව පිට ආදී තන්හි වේදනා උපදවන ක්රියාකාරීත්වය ඇන හිටුවන රෝගාවස්ථාවකි. මේ හැර තවත් බොහෝ ලොකු කුඩා සනධි ආශ්රය කරයි. මෙහිදී සන්ධි ඇදවීම් ක්රියා කළ නොහැකි ලෙස සවි විම අස්ථි වල විකෘති පහළ විය හැකිය. එය කල් ගත වීම නිසා ඇති වන්නකි. එහිදී ඇඟිලි වකුටු වීම සන්ධි ස්ථාන ගත අර්බුද ඇතිවීම දක්නට ලැබේ. සමස්තයක් වශයෙන් ගත් කල යට කී තත්වයන් නිසා ශරීරයේ අස්ථි විකෘතිය දිරාපත් වීම ලොකු කුඩා සන්ධි අස්ථි ගතව මහත්වීම ක්රියා කිීරීමට බැරි කම ආදී රෝග තත්ව ඉස්මතු වේ.

මෙහි රෝග නිදානය දැන ගැනීම මෙම රෝග වලින් වැළකී සිටීමට මහදුපකාරවත් වේ. දිරවීමට අපහසු බර ආහාර නිතර නිතර ගැනීම - මෙහිදී දිරවීමට කල්ගත වන සහ ප්රමානාත්මකව වැඩිපුර ගන්නා ආහාරය විශේෂයෙන් දැක්වේ. බොහෝ තෙල් සහිත ආහාර මිහිරි රසැති ආහාර මත්ස්‍ය මාංශ ආහාර වැඩිපුර ගැනීමෙන් ආහාර දිරවන ශරීරස්ථ ගින්න මද බවට පැමිණීමෙන්ද ව්‍යායාම රහිත වීමෙන්ද අජීර්ණ හෙවත් දිරවීම නිසි පරිදි සිදු නොවීමේ තත්වය උදාවේ. එයින් බොහෝ විට ආමවාත තත්වයක් උදාවිය හැකිය. ශීත වාතයට නරාවරණය වීම බොහෝ කොට සීත සුළං වැදීම මල මූත්ර හා අධෝ වාත වේග පහ නොකැර දරා සිටීම සන්ධි වාත රෝගයේ හේතූන් වේ. නිතර මත් පැන් සේවනය දාහය ඇති කරවන ආහාර වර්ග ගැනීම අඩුවෙන් ජල පානය කිරීම ආදී හේතු රක්ත ගත සන්ධි වාත රෝගය උපදවයි. උපදංශ පූයාමේහ ආදියෙන් ඇතිවන විෂ හා වැරදි ආහාර විහරණ දන්ත වේෂ්ට හෙවත් විදුරුමස පැසවීම නිසාද සෙම් ගෙඩි පැසවීම නිසාද උපදනා විෂ ශරීර ගත වීම ආදී හේතූන් නිසා විෂද සන්ධි වාත රෝග තත්වය පහළ වේ. (කටුක ඇඹුල් තියුණු රස බහුල ආහාර නිතර ගැනීම අධික ජල පානය හා අල්ප ජල පානය රක්ත ගත සන්ධි වාතයට හේතු වේ. මෙහි දැක්වෙන ජල පානය ගැන සැළකිලිමත් විය යුතුය. ආහාර ගන්නා කල ටික ටික වරින් වර ජලය පානය කළ යුතු බව කියවේ. අහර දිරා ගිය කල වැඩියෙන් වතුර පානය කළ යුතුය. එයින් පිපාසය විඩාව දාහය ආදිය නැසේ. ජල පානය නිසා මල මූත්ර ඩහදිය ආදී සිරුරෙන් බැහැර වන ද්‍රව කොටස් හොඳින් පහ වේ. එසේම ලේ වල ස්වභාවික තරලතාව රැකදෙයි. පිත නිසා උපන් ධාතු දාහයෙන් වන තැවීම හෙවත් සන්තාපය සමනය වේ. ශරීරයෙන් පිටවන විවිධ වූ මල කොටස් බැහැර කිරීමට උපකාර වේ. එබැවින් ජල පානය සෞඛ්‍ය සංරක්‍ෂණයෙහි ලා අවශ්‍යාංගයකි).

විශේෂයෙන් රළු සිසිල් සැහැල්ලූ මද වූ ආහාර නිතර භාවිත කිරීම - අති මෛථූනය - වැඩියෙන් නිදි වැරීම වැරදි හැසිරීම් රටාව (හිඳ සිටීම් නිදා ගැනීම් ඇවිදීම් ආදියේ වැරදි) කාලයට වයසට හා ජීවත් වන දේශගුණික කලාපයට නොගැලපෙන ආහාර වැඩි වැඩිය ගැනීම නොකා සිටීම දැඩිව මහන්සි වීම ධාතු ක්‍ෂය වීම අධික සිතිවිලි ඇතිවීම දැඩිව ශෝක කිරීමවෙනත් රෝග වලින් පෙළීම ආදියෙන් දැඩි අබල බවට පත් වීමද නොදැරිය යුතු ශාරීරික වේග දැරීමද අමු ආහාර රසය බඩ වැලෙහි ඇති වීමද අභිඝාත මගින් සිරුර පීඩාවට පත් වීමද සිරුරේ මර්මස්ථාන පීඩාවට පත්වීමද වේගයෙන් දුවන වාහන වලින් හා ඇතුන් අසුන් ආදී සතුන්ගේ පිටෙන් බිමට වැටීමද ආදිය නිසා ප්රකෝප වූ වායුව සිරුරේ වාතයට ගමන් කළ හැකි හිස් තැන් පුරවා සර්වාංගයෙහි හෝ එක් අංගයක හෝ විවිධ රෝග උපදවයි. මේ කියැවුනේ වාතය කෝප වන ආකාරයයි. සන්ධි රෝගයේදීද මෙලෙසම වාතය කිපෙයි.

පොත පතේ දැක්වෙන වාතය දූෂණය වීමේ කරුණු වලට පරිබාහිරව නූතන සමාජගත කරුණුද බොහෝය. එයින් කොටසක්වත් මෙහි සාකච්ඡුා කළ යුතුය. වාණිජමය අගයක් ගන්නා කලබලකාරී සමාජ වටපිටාවක අපේ පාරම්පරික ආහාර රටාව මුළුමනින්ම වෙනස් වී ඇත. ක්‍ෂණික ආහාරයෙන් බඩ පුරවා ගැනීමට සමාජය පුරුදු වී සිටියි. මොනසෝඩියම් ග්ලූටමේට් නැමැති රසායනික රස කාරක යෙදූ ආහාර බහුලව භාවිතය, පෙර පිසූ ආහාර බහුලව ගැනීම, පිසීමෙන් පසු අධි ශීතකරණ වල බහා වැඩි කලක් තිබූ ආහාර රත් කර කෑමට ගැනීම, උදේ පිසූ ආහාරය පවා ශීතකරණයේ තබා රාත්රියට රත් කර කෑම. (වරක් පිසූ ආහාරය නැවත ගින්නට යොමු කිරීමෙන් විිෂ පදර්ථ උපදනා බව ආයුර්වේද ශාස්ත‍්‍රය අවධාරණයෙන් කියා ඇත). විවිධ තාලයේ අච්චාරු ලූණු දෙහි වැනි ආහාර නිතර භාවිතය-එකිනෙකට නොගැලපෙන ආහාර වර්ග කීපයක් එකට ගැනීම (උත්සව වලදී මෙය බහුලව දැකිය හැක. උදාහරණ: බැදපු මස් මාලූ වර්ග, තෙලෙන් තැම්බූ ධන්‍ය හා එළවළු වර්ග, විවිධ අච්චාරු වර්ග, මුදවපු කිරි, අයිස් ක්රීම්, පුඩිං හා වටලප්පන් වැනි දේ දැක්විය හැකිය. නොයෙකුත් සෝස් වර්ග භාවිතයද එසේමය). රසායනික සංඝටක හා අසම්මත මධුර පදාර්ථ යොදා රස කල පැණි බීම වර්ග භාවිතය අබ සහ විනාකිරි යෙදූ ආහාර භාවිතය ආදිය එම වර්තමාන හේතු වශයෙන් දැක්විය හැකිය. එසේම අපේ ඇවතුම් පැවතුම් හා විහරණ රටාව මෙතෙක් මෙරට වැසියන් පිළිපැදි රටාවෙන් ඔබ්බට ගිය සංකීර්ණ රටාවක් වීම සන්ධි වාත රෝගයට ප්රධාන හේතුවක් වේ.

ළිඳෙන් වතුර ඇදගෙන එළිමහනේදී ස්නානය කළ රට වැසියා අද නාන කාමර තුල පයිප්ප වතුරෙන් නා ගනී.කිසි ව්‍යායාමයක් එහි නැත. හමන සුළඟට නිරාවරණය වූ ළිං ජලය හි නැත.එසේම නෑමට කාලයක්ද නැත. දිනකට කිහිප වරක් උක්කුටිකයෙන් හිඳ මල මූත්ර පහ කළ රට වැසියා අද උස් වැසිකිළි බඳුනක් මත වාඩිවී එ් කාරිය කරයි. එයින් ඔවුන්ගේ දණහිස් අන්තයටම නැවෙන්නේ නැත. කාලයක් එලෙස කරන කල දණහිස් නවන්නට බැරිව යයි. පන්සලකට යද්දී වුවද පුටුවක් රැගෙනයාමට සිදුවෙයි. ගෙදර මුළුතැන් ගෙයි බිම හිඳ පලා ලියූ ලිප ගිනි මෙලවූ කාන්තාව ඒ සියලූ වැඩ හිට ගෙන කරයි. පහසුව සඳහා යැ කියමින් කාල වේලා ඉතිරි කර ගන්ට සිතමින් කළ අලූත් දේවල් නිසා සිදුව ඇත්තේ සමාජ දේහයටම හන්දි වාත රෝගය වැළඳීමය. කොළ පලා එළවළු ධාන්‍ය මංශ ජනකයන් හා මේද ඇතුලත් වූ අපේ සම්ප්රදායික සමබර ආහාර වේල සෞඛ්‍යාරක්‍ෂක සම්මන්ත්රණ වලට පමනක් සීමාවී ඇත. අප ඝර්ම කලාපීය රටක වසමිනුත් කන්නේ යුරෝපයේ, ඇමරිකාවේ, නවසීලන්තයේ, අප්රිකාවේ, මොංගෝලියාවේ, චීනයේ, තායිලන්තයේ හෝ ජපානයේ ආහාරය. බොන්නේද එම රටවල බීමය. ඝම_කලාපික අපට අපේ බඩවැලට මේවා ගැලපෙන්නේ නැත. අප වැඩි වැඩියෙන් බෝ නොවන රෝග ගණයේ ලෙඩ වලට බඳුන් වන්නේ මෙකී කරුණු නිසාය.

අපේ මානසික සෞඛ්‍යය පිළිබඳව විශේෂයෙන් සැළකිලිමත් විය යුතුය. මේ සෞඛ්‍ය හානියට ඇතැම් මාධ්‍ය ද බලපා ඇති බව පෙනේ. සිත සන්සුන්ව සෟඛ්‍යාරක්‍ෂිතව තබා ගන්නට මාධ්‍ය ඉඩ දෙන්නේ නැත. මා මේ පිළිබඳව වැඩිපුර කියන්නට නොයන්නේ එය සදාචාර සම්පන්න නොවන බැවිනි. මානසික ආතතියෙන් පෙළීම භයානක රෝග ගණනාවක් උපදවන්නට හේතු වේ. මධුමේහය නොහොත් වැඩි දෙනා දන්නා පරිදි දියවැඩියාව (මෙම රෝග නාමය භාවිතා කිරීම වැරදිය) අම්ල පිත්තය හා ආමාශයික ප්රදාහය, අධි රක්ත චාපය, විවිධ හෘදයාබාධ, අන්තර් ගත ආහාර අජීර්ණ වැනි රෝග, විවිධාකාර සමේ රෝග ආදිය මෙහි ලා අවධාරණය කල යුතුය.

රස්සාවට නිදි වරන කොටස් අපේ රටේ බහුලය. වෛද්‍ය උපදේශයන්ගෙන් තොරව විවිධ ඖෂධ පාවිච්චි කරන ජනතාව ලොව කිසිම රටකටත් වඩා අප රටේ බහුල බව ඖෂධ වර්හ ඉස්මතු කරන වෙළඳ දැන්වීම් වලින් වටහා ගත හැකිය. කාර්ය බහුලත්වය නිසාම නිසි පරිදි නින්ද නොලබන අය දුකසේ නිදා ගන්නා අය සමාජයේ පෙරට වඩා දක්නට ලැබේ. වැඩි වැඩියෙන් මෙවුන්දම් සෙවීම සමාජ ව්‍යාධියක් බවට පත්ව ඇති සේය. විවිධ වූ ක්රීඩා වලට යොමු වීම සන්ධි රෝග කාරක විය හැකිය. ජිම්නාස්ටික් වැනි ක්රීඩා විවිධ සටන් ක්රම පුහුණු වීම ආදිය නිසා සන්ධි ආශ්රිතව විවිධ ආපදා සිදු විය හැකි බැවිනි. අපේ රටේ මිනිසුන්ගේ මානසික ගුණ ධර්ම පිරිහී යාම ඔවුන් පහසුවෙන්ම රෝග ග්රස්ථ විය හැකි කාරණයකි. ශාරීරිකව හා මානසිකව යහ පැවැත්මෙන් තොරවූ ජීවිතය අල්පායුෂ්ක බවද ඉතාම පහසුවෙන් රෝග වලට ගොදුරු විය හැකි බවද බටහිර විද්‍යාඥයින් පවා අද වන විට පෙන්වා දී ඇත.

සන්ධි රෝග පිළිබඳ කීමෙදී විශේෂයෙන් සඳහන් කළ යුතු වන්නේ කාන්තාවන්ගේ ආර්තවාභාවයයි. කාන්තා පක්‍ෂයට මෙම රෝගට වැඩියෙන් වැළඳෙන බව පෙරද කියැවිනි. ඔසප් චක්රය නවතින විට කාන්තා ශරීය තුල හෝමෝන හා එන්සයිම පිළිබඳ ඇතැම් වෙනස්කම් ඇතිවේ. එහි ප්රතිපලයක් ලෙස අනවශ්‍ය ලෙස මාංශ පේශී වර්ධනය වීම කලවා බාහු උදර පෙදෙස් වල ඇතිවන තරබාරුව එම නිසා සිරුරේ බර වේගවත්ව වැඩිවීම එම නිසා විශේෂයෙන් දණහිසේ හා වළලූකර සන්ධියේ වේදනා දැවිලි ඉදිමුම් ඇතිවීම ආදී තත්වයන් දක්නා ලැබේ. එවිට දණහිස් නවා මිටි අසුනක හෝ හිඳ ගැනීමටත් නැගිටීමටත් වඩාත් අපහසු වේ. වැඩිපුර ගනන් නොගන්නා කාන්තා රෝගයක් වන ස්වේත ප්රදර හෙවත් සුද යාම රෝගයට නිසි ප්රතිකාරයක් නොකර කල් ගත වූ විටද දනහිස් ආදී සන්ධි ගත ඇතිවන වේදනාකාරී අවස්ථාවක්ද අපට හමුවේ. මෙහිදී සිරුරේ දිරාපත් වීම, ශක්තිය හීන වීම, දත් මුල් දිය වීම, විදුරු මස පැසවීම, යෝනි මාර්ගයෙන් බැහැර වන උකු සෙවල සහිත පදාර්ථ වල සුදු පැහැය කහ පැහැයට හැරීම, උරහිස් දනහිස් ආදී ලොකු සන්ධි සමග ඇඟිලි පුරුක් වැනි කුඩා සන්ධි වල පවා ඇතිවන වේදනාව දැකිය හැකිය. මෙහිදී වයස් පරතරයක් නැතිව තරුණ හා ඔසප් චක්රය නැවතී ගිය වැඩි වයසේදී ද දක්නා ලැබේ. අපේ කාන්තා පක්‍ෂය මේ පිළිබඳවද නිසි අවධානයක් යොමු කල යුතුය.

ශීතය වැඩියෙන් දැනෙන කාලයට සන්ධි වාත රෝගීන්ගේ වේදනාවද වැඩිය. ශීතල වාතයට නිරාවරණය වීම ඊට හේතු ලෙස දැක්විය හැකිය. වර්ෂා කාලයටද මේ රෝගයේ ප්රබලතාවක් දක්නට ලැබේ. වැසිබර සීත සුළඟ වැදීම වැහි වතුර පෑගීම වැනි දෙ ද, එවැනි කාලයක ගෙතුල විදුලි පංකාවෙන් එන සුළඟ වේදනා ඇති කරන සන්ධි වලට වැදීමද සන්ධි වාත රෝගීන්ගේ වේදනාව වැඩි කරයි. නිසි පරිදි නොපැසුනු අමු බවෙන් යුතු ආහාර රසය ලේ සමග එක්ව සිරුරෙහි හැසිරෙද්දී අමු බව නිසාද උපදනා සෙම එ් සමග එක් වීමෙන් ලේ ගමන් කරන මාර්ගයන්හි ගමන් ගනිමින් ආම විෂ තුනටිය පිට කොන්ද හා අනෙකුත් සියලූම සන්ධි පීඩාවට පත් කරයි. එයින් තද බල පීඩාවක් හා දැඩි රුදාවක් ඇතිවේ. සන්ධි බන්දන කලා ප‍්‍රදාහ ඇතිවේ. ස්නායූන්ගේ ප්රදාහයද ඇතිවන බැවින් වේදනා බහුල වේ. තවත් අවස්ථාවකදී දැවුනු පිත නිසා උපදින ආහාර රසය ලෙයට එකතුව ලෙය දූෂණය කර ඉතා දැඩි වාත කෝපයක් උපදවා පාද හා අතේ ඇඟිලි වල කුඩා සන්ධි මැණික් කටු සන්ධි වළලූකර සන්ධි ආක්රමණය කර ඒ තැන් වල දාහය රතු පැහැ වීම ඉදිමුම හා වේදනා ඇති කරයි. මේ අයුරින් එම දෝෂ තත්වය අනිකුත් සන්ධි කරාද ගමන් කරයි. මෙහිදී පිත අධික බැවින් දාහය රතු පාට වීම නොඉවසිය හැකි වේදනාව ඉදිමුම දැකිය හැකිය.

අස්ථි ගත වාත රක්ත රෝගයේදී ද මෙවැනි ලකුණු දැකීමට පුලූවන. එම ලක්‍ෂණ බොහෝ විට පාද මූලයෙන් ඇරඹී පිත අධිකව කිපුණු කල විදාහ හෙවත් තද දැවිල්ල සන්ධි රතු පැහැ ගැන්වීම, ඒ ආශ්රිතව ඉදිමීම දක්නට ලැබේ. මෙය කල්ගත වීමෙන් පා ඇඟිලි හැකිලීම වකුටු වීම විකෘතිතාවට පත්වීම ඒ ආශ්රිතව කුඩා බිබිලි හට ගැනීම, අර්බුද හෙවත් නව ප්රවර්ධන ඇතිවීම ආදිය දක්නට ලැබෙන අතර වෙව්ලීම හිරි වැටීම සීතලට අකමැති වීමද මෙහිදී ඇතිවිය හැකිය. පාද මූලයේද සමහර විටෙක අත් වලද මේ තත්වය ඇතිවන බව පෙනේ. තරුණස්ථි විකෘතියද කල්ගත වීමෙන් දකින්ට ලැබේ. සමෙහි පැන නැගිය හැකි වාත රක්ත රෝගය පසු කාලීනව ඇඟිලි වළලූ කර මැණික් කටුව දණ හිස් සන්ධි ආක්රමණය කරන බව පොත පතේ සඳහන් වේ. සන්ධියෙන් පිටතද සන්ධි අභ්‍යන්තරයේද සන්ධි බන්ධන අතරද පටක අතරද මේ තත්වය ඉපදිය හැකිය. මෙහිදී අර්බුද ඇතිවන බව කියවේ. ඒවා කඩල ඇට මෙන් තරුණස්ථි මත ඇති වී පිටතට නෙරා එන ඒවාය. අස්ථි සන්ධි බිඳීමෙන් සන්ධි පැනීමෙන් ආදී තත්වයන් මතද සන්ධි වාත රෝගය ඇතිවිය හැකිය. එය බොහෝ විට සන්ධි නිශ්චලව තබා ගැනීමෙන් හා ප්රතිකාරයෙන් සමනය වේ. එසේ නැතිනම් ශල්‍ය කර්ම වලට භාජනය කළ යුතු වන්නේය. මේ හැර ගැඹුරු වාත රක්ත රෝගය යැයි නම් කළ රෝගයක්ද ආයුර්වේදයෙහි සඳහන් වේ. වාත රක්තයේදී ශාරීරික වාතයේ ප්රමුඛ සම්බන්ධය ඇත. මෙහිදී ලෙයද දූෂණය වේ. මෙය වැඩි සැප ඇතියනට වැළඳෙතියි ද මතයකි. වාතයෙන් ආවරණය වී දූෂණය වන රක්තය නිසා බලවත්ව උපදනා රෝගයකි. මෙහිදී සිරුර ගත සෝඩියම් පදාර්ථය සෘජුවම සම්බන්ධ වේ. එය ස්ථානික වශයෙන් තරුණාස්ථි ස්නායු (Ligaments) කණ්ඩරා (Tendons) වකුගඩු කණ වැනි තැන් වල පිහිටි තරුණස්ථි ධමනියේ ඇතුලත බිත්ති ආදී තැන්වල එකතු වී විවිධ රෝග ලක්‍ෂණ උපදවයි. මෙවැනි තත්වයකදී රෝගියාට රැුයේදී පා ඇඟිලි ආදී තැනෙක අධික වේදනාවක් ඇතිවිය හැකිය. එය දැවෙන්නාක් බඳු තීව්ර වේදනාවකි. ඒ තැන් පසුව ඉදිමෙයි. සමහර විට ගඩුද පැන නැගිය හැක. යම් කලක එම වේදනා තත්වය වළලූකර හා මැණික් කටුව අතේ ඇඟිළි ආදී තැන් වලට යයි. රෝගියා පීඩාවට පත්ව ඩහදිය වගුරුවයි. ඉන් ටික වේලාවකින් පීඩාව අඩුවේ. පීඩාවට පත් ස්ථානය රතු පැහැයක් ගනියි. පාදයෙන් ආරම්භ වන රෝගය දණහිස් අත පිළිබඳ ලොකු කුඩා සන්ධි ආක්රමණය කරයි. මුලදී සිරුරේ එක් පැත්තකින් නැගී මුළු සිරුරේ ලොකු කුඩා සන්ධි වලට පැමිණ බලවත් පීඩා ඇති කරයි. මෙම රෝගය වේගවත්ය. එක් වරක් වේගවත් වී නැවත සන්සිඳේ. යලිත් සන්ධි වල පීඩා ඇති කරයි. මෙලෙස වරින් වර පීඩා ඇති කරමින්ද සන්සිඳු වමින්ද රෝගාක්රමණය කරන බැවින් සන්ධි වල ස්ථාන විකෘති තත්වයක්ද ඇතිවේ.

මෙහිදී වාතය පිත සෙම හා රක්තය යන ප්රධාන කොටස් 4ම කිපෙන බැවින් අනින්නාක් බඳු වේදනාව කැඞී බිඳී ගියා සේ දැනෙන පීඩාව ඉදිමුම කළු පැහැ බව පීඩාව වරින් වර අඩු වැඩි වීම ඇඟිළි ආදිය හැකිලීම ඇඟ පතේ තද බල රුදාව ඇඟ තද බව වෙව්ලීම හිරි වැටීම ආදී ලක්‍ෂණද පිත ප්රබල නම් දැවිල්ල ඩහදිය වැගිරීම මුලාව මත් බව පිපාසය රුදාව රතු පැහැ වීම හා අධික උෂ්ණත්වයද සෙම ප්රධාන වී නම් ඇඟ පත බර බව වතුරට තෙමුනා සේ දැනීම හිරි වැටීම සිනිඳු බව සීතල කැසිල්ල මන්ද රුදාවද ලෙය බලවත් වී නම් ස්ථානිකව ඉදිමීම තද බල වේදනාව අනින්නාක් බඳු වේදනාව ස්ථානය තඹ පැහැ වීම කැසීම පහසුවෙන් වේදනා සන්සිඳ වීම නොහැකි වීම යන ආදී රෝග ලක්‍ෂණ දක්නට ලැබේ. එහෙත් හැම අවස්ථාවකදීම වාගේ එකම දෝෂයක් පමණක් පැන නොනැගී දෝෂ දෙකක් හෝ තුනක් හෝ හතරම හෝ බලවත් විය හැකිය. එවිට යට කී රෝග ලක්‍ෂණ මිශ්රව අඩු වැඩි වශයෙන් පවතී. ග‍්‍රන්ත ගත කරුණු අනුව වාත රක්ත නමින් ගන්නා සන්ධි රෝගය පළමුව කුඩා කුඩා සන්ධීන්හි හට ගෙන පසුව ලොකු සන්ධීන් කරා ක්රමිකව සෙමින් සෙමින් පැතිරී යයි. යම් වාත රක්තයක් සමේ ඉපිද පසුව සන්ධි කරා ගමන් කරන බවද පෙනේ. මෙම රෝග අවස්ථාව පටන් ගැන්මේදී ප්රයත්නයෙත් සුව කර ගත යුතු අතර පැරණි බවට පත් වීමෙන් සුව කල නොහැකි තත්වයට පත්විය හැකිය. මෙවැනි රෝග වලින් වැලකී සිටීම ඒවා සුව කර ගන්නවාට වඩා ලාභදායකයි.

මෙය කියවන රෝගීන්ගේ පහසුව තකා මට එක දෙයක් සඳහන් කල හැකිය. ඒ සඳහා යම් සහනයක් ලබා ගැනීමට සීමාසහිත මෙඩිහර්බ්ස් සමාගම යටතේ නිපදවන වන "ග්ලූටියෙලා ආයුර්වේදීය හර්බල් පානය" (Gluteala Ayurvedic Herbal Drink) නම් ඖෂධීය පානය දිනකට පැකට් 2 ක් හෝ 3 ක් උදේ සවස නටන උතුරන වතුර කෝප්පයකට දමා නිවෙන තුරු තබා බීම මැනැවැයි ප්රකාශ කළ හැකි අතර එයින් සහනයක් සහ ගුණයක් ලැබෙන බවත් රෝගියාගේ රෝගී තත්වය අනුව රෝගය නිට්ටාවටම සුව වීම සඳහා මනා ප්රතිකාර යෙදිය යුතු බවද සඳහන් කරමි.

කැළණි විශ්ව විද්‍යාලය, වික්‍රමආරච්චි ආයුර්වේද පීඨයේ කථිකාචාර්ය්‍ය, ශ්‍රී ලංකා වෛද්‍ය මහා මණ්ඩලයේ සම්මානණීය ගරු සභාපති, 
විශේෂඥ වෛද්‍ය ගම්පහ වික්‍රමාරච්චි ආයුර්වේදය ශික්ෂණ රෝහල,
සීමාසහිත මෙඩිහර්බ්ස් (පෞද්ගලික) සමාගමේ අධ්‍්‍යෂක අධ්‍යෂක
වෛද්‍යාචාර්‍ය: එම්. ආර්. වත්තගේ
දුරකථන: 0718285672 / 0382285429 

සහ දිවයිනේ ඇති ෆාමසි වලින් ලබාගත හැක.

විමසීම්

සීමාසහිත මෙඩිහර්බ්ස් මාර්කටිං (පෞද්ගලික) සමාගම

දුරකථන: +94 11 2623889

Web: www.mediherbs.lk

Facebook: Mediherbs Sri Lanka

අම්ල පිත්ත රෝගය - Hyper Acidity

වර්තමානයේ බහුල වශයෙන් දක්නට ලැබෙන මෙම රෝගය සමාජයේ වැඩි දෙනා අතර හැඳින්වෙන්නේ ගැස්ට්‍රයිටීස් (Gastritis - ආමාශයික ප්රදාහය) වශයෙනි. අම්ල පිත්තය පුළුල් රෝගයක් වන අතර ගැස්ට්‍රයිටීස් යනු එක් අංශයක් පමණක් වන බව කිව හැකිය. අමිල පිත්ත ස්වතන්ත්ර රෝගයකි. එහෙත් ගැස්ට්‍රයිටීස් හෙවත් ආමාශයික ප්රදාහය ස්වතන්ත්ර රෝගයක් විය නොහැකිය. අම්ල පිත්ත රෝගය පිළිබඳ දැනගැනීම ආමාශයේ ඇති විය හැකි බොහෝ රෝග වලින් වැළකී සිටීමට හේතු කාරණා වේ.

ආයුර්වේද විඥානයට අනුව වැළඳීමට හේතු වන කාරණා වන්නේ එකිනෙකට විරුද්ධව ආහාර වර්ග (උදාහරණ උෟරු මස්, හරක් මස්, මුදවාපු කිරි වැනි දෑ) නිතර අනුභව කිරීම, නරක් වූ ආහාර (වර්තමානයේ රසකාර යෙදු පෙර පිසින ලදුව අධි ශීතකරණ වල බහා කල් තබාගන්නා ආහාර වර්ග) නිතර කෑමට ගැනීම සැර ඇඹුල් ආහාර වර්ග ගැනීම (උදාහරණ අන්නාසි වැනි) විදාහී හෙවත් දැවිල්ල ඇති කරන ආහාර වර්ග (උදාහරණ රතු මිරිස් බහුල ආහාර, විනාකිරි, අබ වැනි දෑ යොදා සකස් කළ ආහාර) පිත කුප්පන සුළු ආහාර වර්ග (මත් පැන්, කිරෙන් තැනූ මෝරු රා ආසව ආදිය). උඳු මෑ අවර වැනි අහාර බහුලව හා වැඩි වාර ගනනක් ගැනීම, ආදී කරුණු හේතු කොට ගෙන කිපුණු ශාරීරික පිත අම්ල බවට පත්ව අම්ල පිත්ත රෝගය උපදවයි. ආයුර්වේදයේ ග‍්‍රන්ථාගත කරුණු මේ වුවද වර්තමාන ජන සමාජයේ දෛනික ජීවන රටාව විමසා බැලූ විට මෙම රෝගයට හේතු විය හැකි තවත් බොහෝ හේතු අපට හමුවේ.

විවිධ ආකාරයේ ශීත කළ හෝ නොකළ රසකාරක යෙදු කලින් පිසින ලද ක්‍ෂණික ආහාර, කෘත්රීම පාන වර්ග, වෛද්‍ය උපදෙස් නොලැබ බටහිර හා ආයුර්වේදීය ඖෂධ භාවිතා කිරීම, රැකියාවේ ක්රියාකාරකම් වලදී විෂ සහිත රසායනික ද්‍රව්‍ය හෝ ද්‍රව ආශ්‍රිතව සිටීමට සිදුවීම, මත් කුඩු හෝ කංසා භාවිතය, ධූම පානයට ඇබ්බැහි වීම, රාත්රිය නිදි වරමින් වැඩ මුරයේ වැඩ කරන්නට සිදුවීම, රෙදි හා ඇඟළුම් කර්මාන්තය ආශ‍්‍රිත විවිධ ක්රියාකාරකම්, Take away කෑම කඩ හරහා සමාජගත වන විවිධ නොගැලපෙන හා නරක් වූ ආහාර පාන ගැනීමට පෙළඹීම, නිසි වෙලාවට ආහාර නොගැනීම හා ගත් ආහාර දිරවීමට පෙර වරින් වර ආහාර ගැනීම, විවිධ කරුණු හේතුවෙන් මානසික ආතතියට ලක්වීම ආදී මෙවැනි කරුණු රාශියක් වර්තමානයේදී අම්ල පිත්ත රෝග නිදානාංශයට ඇතුළත් කළ යුතු බැව් පෙනේ. දේශිය ආහාර රටාවෙන් හා චින්තන රටාවෙන් ඔබ්බට ගිය ආහාර රටාවකට ඇබ්බැහි වීම හා අවුල් සහගත සිතිවිලි ඇති කර ගැනීමද අම්ල පිත්තයට පමණක් නොව තවත් බෝ නොවන රෝග ගනණයකට හේතු වී ඇත.

ශරීරික පිත ප්‍රකෘත හා විකෘත යැයි ශාස්ත්රයේ සඳහන් වේ. ප්‍රකෘත පිත කටුකය. එය ආහාර පරිපාකය හොඳින් සිදු කර සිරුරට සැප ලබාදෙයි. විකෘත පිත අම්ලාධිකය. ඒ තත්වය අම්ල පිත්ත රෝගය ලෙස ගැනේ. එලෙස පිත විකෘත වීමට යට දැක්වූ හේතු සමුදාය ඉවහල් වේ. බටහිර මතය අනුව Hyper Acidity යයි ගැනුයේ එයයි. ආමාශය හා ඉන් පහළ කොටසේ වණ තුවාල හට ගැනීම, අධික දුම් පාණය, පිටි සහිත ආහාර වැඩි පුර ගැනීමෙන් රා ආදිය පැහෙන්නාක් මෙන් පැහීමට පත්වීම ආදිය ඊට හේතු වෙතියිද ඉන් උපදනා අම්ලය පිත සමඟ එක්වීමෙන් අම්ල පිත්තය Hyper Acidity හටගනිතියි ද ඔව්හු සළකති. මෙය ආයුර්වේද මතය නොවුනද ආයුර්වේදය එය ඉවත නොදමයි.

බටහිරින් කියැවෙන තවත් මතයක් වන්නේ අම්ල පිත්තය හෙවත් Heart Burn තත්වයැයි කියනුයේ ගලනාලයේ මුල ඇතිවෙන දැවිල්ලටය යන බවයි. එම තත්වය ඇති වන්නේ ආහාරගෙන ටික වේලාවක් ගතවූවාට පසුව බවද එහිදී දැවිල්ල සමඟම ඇඹුල් රසැති ඔක්කාරය ඇතිවන බවද බොහෝ විට මේ දැවිල්ල ගලනාලය කෙලවර හෝ ආමාශය කැලඹීමෙන් හෝ ඇති වන බවද ඊට බාහිරව අම්ල වර්ග කරණ කොට ගෙන ඇති විය හැකි බවද කියැවේ. එහෙත් Gastritis හෙවත් ආමාශික ත්රීව්ර පර්ධාන (දැවිල්ල) හටගන්නේ අධික මත් පැන් පානයෙන් හෝ ආහාර අජීරණයෙන් හෝ එම දෙකින්ම යැයි සඳහන්වේ. එහි දී බඬේ තද බල කැක්කුම ඔක්කාරය හෝ වමනය හා ඇතැම් විට උණ ගතියද ඇති විය හැකි බවත් කල් ගත වීමේ දී ආහාර අරුචිය ඔක්කාරය විටින් විට සෙම වමනය විය හැකි බවත් මෙබඳු තත්වයන් දිරවීමට අපහසු ආහාර නිතර ගැනීමෙන් ඇතිවිය හැකි බවත් ආමාශය පිළිබඳ පිළිකා වැනි වෙනත් රෝග වලදී ද මෙබඳු තත්වයන් ඇති විය හැකි ඉවත් බටහිර රෝග විඥානයේදී කියැවේ. මානසික උද්වේග මුත‍්‍ර විෂ වීම වැනි අවස්ථා වලදීද ආමාශය රෝග ග‍්‍රස්ත වේ යැයිද සඳහන් වේ.

මෙහි රෝග ලක්‍ෂණ ලෙස ආයුර්වේදීයව කිව හැක්කේ කෑ දේ නිසි පරිදි නොදිරවීම, වෙහෙසීමෙන් තොරව සිරුරට දැනෙන මහන්සිය - විඩාව, ඔක්කාරය, තිත්ත ඇඹුල් රස උගුරට ඒම, සිරුර බර බව, පපුවේ හා බෙල්ල (ගලනාලය) ඇතුලතින් එන දැවිල්ල, ආහාර අරුචිය යනාදී රෝග ලක්‍ෂණයන්ය. මේ හැර මේවාටම යාවන සුළු සුළු වෙනස්කම් ඇතිව උපදනා අපහසුතාද හමුවේ.

අම්ල පිත්තය දෙආකාර බව ආයුර්වේදය කියති. ඒ ඌර්ධ්වගත සහ අධෝගත වශයෙනි. අම්ල පිත්තයේ දෝෂය පිතයි. වාතය සහ සෙම පිත අනුව ක‍්‍රියා කරයි. ඌර්ධ්වගත අම්ල පිත්තය ආමාශය හා ඉන් ඉහළටම ගිය අවස්ථාවයි. බහුලව දැකිය හැක්කේ මෙයයි. මෙය සෙම සමඟ විශිෂ්ට ලෙස සම්බන්ධ වූ රෝග අවස්ථාවකි. අධෝ ගත අම්ල පිත්ත අන්ත‍්‍ර මාර්ගයේ ආමාශයෙන් පහළ කොටසට පැතිරුනු රෝගාවස්ථාවයි. මෙය නිතර දක්නට නොලැබෙයි.

සෙම සමග එක් වූ ඌර්ධ්ව ගත අම්ල පිත්තය කොළ කහ නිල් කළු පාටයි. සෙම සහිතව වමනය ඇති කරයි. පිටත මද රතු පාටද ඇතුළ තද රතු පාටද වෙයි. තද අම්ලයක් ඇති කරයි. ඒවා මස් සේදු වතුර මෙන් කළු රතු වර්ණ වෙයි. බොහෝ සෙම් සහිත බවක් පෙන්වයි. විවිධ වූ රස ඇති කරයි. කෑ අහර විකෘතව පැසුණු කල්හිද අහර ගත යුතු වේලාවේ නොගෙන සිටීමද නිසා තිත්ත වූත් ඇඹුල් වූත් වමනයක් ඇති කරයි. එලෙස ඔක්කාරයද වෙයි. උගුර පපුව හා බඬේ තද දැවිල්ල හා තද බල හිසේ කැක්කුම ඇති කරයි. එසේම සෙම සම්බන්ධය ඇත. අම්ල පිත්තය අත් පා වල පවා දැවිල්ල ඇඟේ ගිණියම තද අරුචිය උණ, කැසීම, පලූ දැමීම බොහෝ කොට බිබිලි ඇති වීම  සහ වෙනත් නොකියූ රෝග ගහනයක් උපදවයි.

අධෝ ගත අම්ල පිත්තයෙහි සෙම සම්බන්ධයක් නැත. ඇත්තේ ශාරීරික පිතේම කිසියම් විශේෂත්වයක් පමණි. පිපාසය දැවිල්ල මූර්ච්ඡා වීම - කරකැවිල්ල - මුළාව මෙහිදී ඇතිවේ. විවිධ වර්ණ සහ දුර්ගන්ධයේ එක් වීමෙන් කිසි විටෙක උපදනා පිත්ත විකෘති තා නිසා ඔක්කාරය  - ඇඟේ පලූ නැගීම - ගින්න මද කම - ලොමු දැහැ ගැන්ම - ඩහදිය වැඩිපුර ගැලීම - ඇඟ පත කහ පැහැ වීම ආදිය සිදු කරමින් අධෝගත වෙයි. මේ අවස්ථාව නිතර දක්නට නොලැබෙයි. අළුත් අම්ල පිත්ත රෝගය උත්සාහයෙන් සුව කර ගත යුතු බවද කල් ගත වූ අම්ල පිත්තය හිතවත් ඖෂධ ආහාර පාන විහරණ උපයෝගී  කර ගනිමින් වැර වෑයමින් සුව කර ගත යුතු බවද ආයුර්වේදය අවධාරණයෙන් දක්වයි. ඒ වෙනත් රෝග  ගහණයකට අම්ල පිත්ත රෝගය හේතු විය හැකි බැවිනි.

වාත දෝෂය පර්ධාන අම්ල පිත්තය වාත සහ සෙම පර්ධාන අම්ල පිත්තය හා සෙම පර්ධාන අම්ල පිත්තය යැයි මෙය ත්රිවවිධාකාරය. වාත පර්ධාන අම්ල පිත්තයේදී වෙව්ලීම, නන් දෙඩවීම, මූර්ච්ඡාව, පුපුරු ගසන්නාක් බඳු වේදනාව, ඇඟ පත පණ නැති වීම, අවයවයන්හි බුරුල් බව, අනින්නාක් බඳු වේදනාව, දකින දේ අඳුරු පැහැයෙන් දැකීම, කරකැවිල්ල, මුලා බව, ලොමු දැහැ ගැන්ම ආදී රෝග ලක්‍ෂණ දකින්ට ලැබේ.

සෙම අධික අම්ල පිත්තයේදී බොහෝ කොට සෙම කාරා දැමීම, සෙම බේරීම, ඇඟ පතේ බර බව වැඩිපුර දැනීම, ක‍්‍රියා හානිය, සියල්ල අරුචි වීම හෙවත් නොරිස්සුම, සීතල දැනීම, ඇඟ පත අවයව බුරුල් වූවා සේ දැනීම, වමනය යාම, මුඛයේ සෙම ඇලී තිබීම, මන්දාග්නි තත්වය ඇතිවිම, ශරීර ශක්තිය හීන වීම, කැසිල්ල, නිදිමත ආදී ලක්‍ෂණ දැකිය හැකිය. වාත හා සෙම් ප‍්‍රධාන අම්ල පිත්තයේදී ඉහත කී රෝග ලක්‍ෂණ මිශ‍්‍රව පවතින්නේය.

පිතේ විශේෂතාව සහිත සෙම අධික අම්ල පිත්තයක් ගැන ආයුර්වේදයේ සඳහන් වේ. එහිදී තිත්ත ඇඹුල් හා කුළු (කටුක) රසයෙන් යුතු ඔක්කාරයක් ඇතිවේ. හෘදය පෙදෙස උදර පෙදෙස බෙල්ල ආදී තන්හි දැවිල්ල කරකැවිල්ල මුලාව අරුචිය වමනය අලස ගතිය හිසරදය සෙම් වැගිරීම මුඛයේ පැණි රස දැනීම ආදී ලක්‍ෂණ ඇතිවේ. අම්ල පිත්තයේ ප‍්‍රධාන දෝෂය පිතයි. මෙහි සාමාන්‍ය සහ විශේෂ තත්ව දක්නා ලැබේ. සෙම බහුල අම්ල පිත්තයේදී පිතේ ඇති එම විශේෂත්වය යහමින් දක්නට ලැබෙන බව සැළකිය යුතුය.

මෙකී සියලූම රෝග ලක්‍ෂණ එක රෝගියෙකු කෙරේ දකින්ට නොලැබෙතත් බොහෝ ලක්‍ෂණ දක්නට ලැබේ. බෝ නොවන රෝග ගණයේ  බහුලව දක්නට ලැබෙන රෝගයක් වන මෙම රෝගය වැළඳීමෙන් පසු බොහෝ දුක් උසුලා සුව කර ගැනීමට වඩා රෝගය වැළඳීමෙන් වැළකී සිටීම ඉතා අගනේය. ඒ සඳහා අප ගත යුතු ක්රියා මාර්ග රාශියකි. පළමුකොට සිරුර හා මනස පවිත්රව තබා ගත යුතුය. ආහාර පරිවෘත්ති හෙවත් දිරවා එහි රසය සිරුරට උරා ගැනීමේ ක්රියාවලිය හෙඳින් සමබරව පවත්වා ගැනීම අත්‍යාවශ්‍ය කරුණකි.

විශේෂයෙන්ම ආහාර පැසවන ශාරීරික ගින්න නිසි පරිදි පවත්වා ගත යුතුය. මෙහදී සුදුසු කල්හී ආහාරයට ගත් සැහැල්ලූ හිතකර ආහාරය පවා වැඩිපුර වතුර බීම නිසා නිසියාකාර පැසවීමකට නොයන බව ශාස්ත‍්‍රයේ සඳහන් වේ. එවිට අග්නිය හෙවත් ගින්න මන්දාගිනි තත්වයට යයි. එවිට සිරුරේ අමු බව හා සෙම වර්ධනය වෙයි. එකල අවයවයන්හි ක්රියාකාරීත්වය දුබල වීම සිරුර බර බව ආදී ලකුණු පහළ වෙයි. ආහාර අඩුවෙන් හෝ වැඩියෙන් ගැනීමද නොකල්හි ආහාර ගැනීමද මළ මූත්ර කිවිසුම් අධෝ වාත ආදී ශාරීරික වේග පහ නොකර දරා ගෙන සිටීමද රාත්රී නිදි වැරීම හා දහවල් හි නිදි ගැනීම යනාදී කරුණු ආහාර පැසවෙන ගින්න මැඩ පැවැත්වීමට හේතුවේ. එකල අම්ල පිත්ත පමණක් නොව ආමාශය අන්ත්ර මාර්ග ගත වෙනත් බොහෝ රෝගයන් පවා පහසුවෙන් උපදී. මානසික දෝෂ වශයෙන් ගැණෙන ඊර්ෂයා කිරීම, අධික ලෙස බිය වීම, දැඩි සේ ක්‍රෝධ කිරීම, ආදී කරුණු ලබන්නා කෙරෙහිද අධික ලෝභයෙන් යුතු වූවන් කෙරෙහිද මානසිකව නිවට ගති ඇත්තවුන් කෙරෙහිද රෝග පීඩිතයින් කෙරෙහිද අනුන්ට දිවේශ කරන්නන් කෙරෙහිද ගත් ආහාරය නිසි පැසවීමකට නොයයි. එමෙන්ම නිසි පමණින් නිසි පරිදි වැළඳු හිතකර ආහාරය වුවද අධික සිතිවිලි ඇතිව දැඩි කණගාටුවට පත්ව දැඩි බියෙන් යුතුව අනුනට ක්‍රෝධ සිතින් යුතුව නම් නිසි පැසවීමට නොයයි. සුව පහසු නැතිව දුකසේ නිදා ගැනීමද නිදි වැරීමද ආහාරය නොදිරවීමට ප‍්‍රධානවම හේතුවේ. මේ බැව් ආයුර්වේදයේ මූලික ග‍්‍රන්ථ දෙකක් වන සුශ්රැත සංහිතාවේ සහ චරක සංහිතාවේ කෙළින්ම දක්වා ඇත.

නින්ද ආහාර ජීරණයට බලපාන්නේ කෙසේදැයි කෙනෙකුට සිතෙන්ට පුළුවන. දහවල හි සිරුරේ බාහිර අවයව මෙන්ම අභ්‍යන්තර අවයවද ක්රියාකාරීව සිට රැුයේදී විශ‍්‍රාමයට පත්වෙති. බඩවැල සහ අක්මාව ඊට වෙනස්ව රැයේදී හොඳින් ක්රියාත්මක වේ. රැයෙහි නිදි මැරීමෙන් ආහාර පැසවීමේ ක්රියාව අඩපණ වන්නේ එබැවිනි. එයින් වාත දෝෂය වර්ධනය වී ආහාර නොදිරවීමේ තත්වය පැන නැගේ. දහවල් හි නිදා ගැනීමෙන් සෙම වැඩිවී ගින්න නිවී යයි. එම නිසා ආහාර නිසි පරිදි නොපැසවා පල් වෙයි; විෂ වෙයි. ඊර්ෂයා භය ආදී මානසිකතත්වයන් නිසා මොළයේ සහ නාඩි ව්‍යූහයේ සිදුවන විකෘතිතා නිසා ආහාර පැසවන පාචක ද්‍රව්‍ය වැගිරීමේ ඇණහිටීමක් සිදුවේ. නිසි මානසික ව්‍යාපාරය ආහාර දිරැවීමේ ක්රියාවලිය නියමිත පරිදි මෙහෙයවයි. ආයුර්වේදය ඈත අතීතයේ දුටු මේ තත්වය අද නවීනයෝත් එකහෙළා පිළිගනිති. 

මේ රෝගය හා ඇති විය හැකි තවත් රෝග බොහෝමයක් ආහාර ජීරණ පද්ධතියේ ක‍්‍රියා විකෘතිය නිසා උපදී. අසාත්මක භෝජණය හෙවත් නොගැලපෙන ආහාර ගැනීම අර්ධපක්ව භෝජණය හෙවත් බාගෙට පිසූ ආහාර ගැනීම පිලූනු වූ ආහාර ගැනීම හොඳින් නොපිසූ ආහාර ගැනීම සහ අද බහුලව දක්නට ලැබෙන වරක් පිස ශීතකරණ වල බහා තබා පසුව ගෙන නැවත රත්කර කර ආහාරයට ගැනීම අතිශයින්ම අන්ත‍්‍ර මාර්ගික රෝග උපදවයි. එසේ නැවත රත්කර ගන්නා ආහාර විෂ බව ආයුර්වේදය සාරංගධර සංහිතාවේ ලා දක්වයි. මෙවැනි තත්වයන්ගෙන් තොර වූ හිත ආහාරය ලෙඩ හදන්නෙ නැත. බහුල වශයෙන් පොල්තෙල් ද ඊට අඩුවෙන් මීතෙල් එලඟිතෙල් දුන්තෙල් ද ආහාරයට ගත් අපේ රටේ වැසියන් අද තෙල් යැයි කියා කන්නේ මොනවාදැයි ඔවුන්ම නොදනී. විවිධ වූ ඇට වර්ග මද වර්ග සිඳි තෙල් වෙළඳ පලේ බහුලය.

ඒ තෙල් සහිත ආහාර ගැනීම නොකළ යුතුය. විවිධ දේශගුණික කලාප වලට අයත් නොරටුන්ගේ ආහාර රටාවට අප පුරුදු විය යුතු නැත. පාන් වැඩිපුර ආහාරයට ගැනීමෙන් ලෙඩ හැදෙන බවට අද සමාජය තරමකට හෝ දැනුවත් වී ඇත. අම්ල පිත්තයට එයද ප්රධාන හේතුවකි. මිරිස් තෙල් අධික ආහාර මෙන්ම ඒවා රසවත් කිරීමට යොදා ගනු ලබන මොනසෝඩියම් ග්ලූමේට් නමැති කෘත‍්‍රීම රසාකාරකය අපේ ආහාර ජීරණ පද්ධතියට කරන අපරාධය පිළිබඳව හොඳින් අවබෝධ කර ගත යුතුය. එමෙන්ම කෘත්රීමව සෑදු පැණි බීම වර්ග ශරීරයේ ක්‍ෂණික ශක්තිය ඇති කරවතියි වෙළඳ ප්රචාරණයට පත් පානීය වර්ග ශක්ති ජනක බව කියන කිරිපිටි වර්ග භාවිතය පිළිබඳව අපේ රට වැසියා මීට වඩා අවබෝධයෙන් ක‍්‍රියා කළ යුතුය.

එමෙන්ම මානසික යහ පැවැත්ම මෙහිදී අත්‍යවශ්‍ය වෙයි. සිතේ දුර්ගුණ වැඞීමෙන් ගතේ රෝග හට ගන්නා බව බටහිරින්ද අවධාරණය කරන කරුණකි. අදහන  ඕනෑම ආගමකට ධර්මයක සමාජයේ අනුනට කරදරයක් නොවන පරිද්දෙන් ජීවත්වන ක්රමය දැක්වෙයි. එලෙස ජීවත් වන්නාගේ මානසික දුර්ගුණ විකෘතිතා ඇති නොවේ. බෞද්ධයින් නම් සිල් පද පහ හොඳින් රැක ගැනීමෙන් නිරෝගී පුද්ගලයෙකු ලෙස ජීවත් වීම හැකිවේ.

මත් ද්‍රව්‍ය හා මත්පැන් වලින් වැළකී සිටීම සෞඛ්‍යය රැකගැනීමට වඩාත් ඉවහල් වේ. මත් පැනින් වළකින්නටම බැරි නම් එය ප්රමාණාත්මකව ක්රමයෙන් අඩු කළ හැකිය. එළෙස ක්රමානුකූල පැවැත්මෙන් මත්පැනින් වැලකී සිටීමටද පුරුදු වන්නට පුළුවන. එවිට ලෙඩ දුක් නැති නිරෝගී ප්රීතිමත් ජීවිතයක් ගත කිරීමට අවස්ථාව පෑදේ. මධුමේහය හෘදයාබාධ අධි රුධිර පීඩනය අක්මාගත ආබාධ ආමවාත සන්ධිවාත පීනස වැනි රෝග ගහණයකින්ද වැළකීමට යහපත් ශාරීරික මානසික සෞඛ්‍ය සංරක්‍ෂණය හේතු වේ.


කැළණි විශ්ව විද්‍යාලය, වික්‍රමආරච්චි ආයුර්වේද පීඨයේ කථිකාචාර්ය්‍ය, ශ්‍රී ලංකා වෛද්‍ය මහා මණ්ඩලයේ සම්මානණීය ගරු සභාපති, 
විශේෂඥ වෛද්‍ය ගම්පහ වික්‍රමාරච්චි ආයුර්වේදය ශික්ෂණ රෝහල,
සීමාසහිත මෙඩිහර්බ්ස් (පෞද්ගලික) සමාගමේ අධ්‍්‍යෂක අධ්‍යෂක
වෛද්‍යාචාර්‍ය: එම්. ආර්. වත්තගේ
දුරකථන: 0718285672 / 0382285429 

29 ජනවාරි 2016